شىمكەنت قپد ەققىقب-نىڭ قىزمەتكەرلەرى 2020 جىلدا 271 قۇقىق بۇزۋشىلىقتى انىقتاپ, 60 كەلىگە جۋىق ەسىرتكى زاتتارىن تاركىلەپ الدى, دەپ حابارلايدى Egemen.kz Polisia.kz سايتىنا سىلتەمە جاساپ.
2020 جىلدىڭ 12 ايىندا شىمكەنت قالاسىنىڭ پوليتسيا دەپارتامەنتىمەن ەسىرتكىنىڭ الدىن الۋ, انىقتاۋ جانە جولىن كەسۋ بويىنشا بىرقاتار كەشەندى جۇمىس اتقارىلدى. ەسەپتىك مەرزىمدە قالا بويىنشا ەسىرتكىنىڭ زاڭسىز اينالىمىنا قاتىستى جالپى 271 قۇقىق بۇزۋشىلىق انىقتالىپ, وتكەن جىلمەن سالىستىرعاندا 53 دەرەككە نەمەسە 19,6 پايىزعا ارتتى (2019ج.-218).
اتقارىلعان جەدەل-ىزدەستىرۋ ءىس-شارالارى ناتيجەسىندە زاڭسىز اينالىمنان 58 كگ 808 گر ەسىرتكى زاتتارى تاركىلەنىپ, وتكەن جىلمەن سالىستىرعاندا ونىڭ سالماعى 25 كگ 674 گر ارتتى (2019ج-33 كگ 653 گر).
جىل باسىنان ەسىرتكىنىڭ زاڭسىز اينالىمىنا بايلانىستى قۇقىق بۇزۋشىلىق تۇرلەرى بويىنشا جالپى 185 ادامعا قاتىستى 224 قىلمىستىق ءىس وندىرىسپەن اياقتالىپ, ايىپتاۋ اكتىلەرىمەن سوتقا جولداندى. جىل باسىنان رەيدتىك ءىس-شارالار جۇرگىزۋ بارىسىندا اۆتوكولىكتى ەسىرتكىگە ماس كۇيىندە باسقارعان 36 جۇرگىزۋشى انىقتالىپ, جاۋاپكەرشىلىككە تارتىلدى (قر اقبتك-ءنىڭ 608-بابى).