پاۆلودار قالاسىندا ءورت سوندىرۋشىلەر 40 ادامدى ەۆاكۋاتسيالادى, دەپ حابارلايدى Egemen.kz
وبلىستىق توتەنشە جاعدايلار دەپارتامەنتىنىڭ مالىمەتىنشە, 30 ناۋرىز كۇنى 23 ساعات 52 مينۋتتا پاۆلودار قالاسى گەنەرال دۇيسەنوۆ كوشەسى, 1 مەكەنجايىندا ءورت تۋرالى حابارلاما كەلىپ تۇسكەن.
بەس قاباتتى تۇرعىن ءۇيدىڭ ءبىرىنشى قاباتىندا قوسالقى ءۇي-جايدا تۇرمىستىق كەرەك-جاراق, 2 شارشى مەتر الاڭدا اعاش قالقالار جانىپ جاتتى.
ءورت سوندىرۋشىلەر كەلگەنگە دەيىن 10 ادام ءوز بەتىنشە ەۆاكۋاتسيالاندى.
كىرەبەرىستىڭ قاتتى تۇتىنىنە بايلانىستى كەيبىر تۇرعىندار قورقىپ, ازداپ ۇرەيلەندى.
بىراق وقيعا ورنىنا كەلگەن ءورت ءسوندىرۋ ءبولىمىنىڭ قىزمەتكەرلەرى جەدەل ەۆاكۋاتسيالاۋعا كومەكتەستى جانە تۇرعىنداردى باسپالداق الاڭىمەن سۇيمەلدەدى.
تۇرعىنداردىڭ كوپشىلىگى تۇنگى ۋاقىتتا دەمالىپ جاتقاندىقتان, قىزمەتكەرلەر پاتەر يەلەرىن وياتىپ, ءورت بولعان جەردەن كەتۋىن وتىنۋگە ءماجبۇر بولدى.
بارلىعى ءورت سوندىرۋشىلەردىڭ سۇيەمەلدەۋىمەن باسپالداق مارشى بويىنشا 40 ادام, ونىڭ ىشىندە 10 بالا ەۆاكۋاتسيالاندى. ءورت 00 ساعات 28 مينۋتتا ءسوندىرىلدى.
قىزىل جالىننىڭ سەبەبى مەن شىعىنى انىقتالۋدا. وقيعا ورنىندا جەكە قۇرامنىڭ 27 قىزمەتكەرى, 5 تەحنيكا جۇمىس ىستەدى.
سونىمەن قاتار, ءورت بولعان جەرگە «ۆودوكانال» جشس, قالالىق ەلەكتر جەلىلەرى جانە «102» قىزمەتى بولدى.ءورت سوندىرۋشىلەردىڭ جەدەل ءىس-ارەكەتىنىڭ ارقاسىندا زارداپ شەگۋشىلەر مەن قازا بولعاندار بولعان جوق.