ءماجىلىس دەپۋتتارى ەۋرازيالىق ەكونوميكالىق وداقتىڭ تەحنيكالىق رەگلامەنتتەرىندە تالاپتار بەلگىلەنبەگەن ءونىمنىڭ ىشكى اينالىسىنىڭ ءتارتىبى مەن مۇنداي ونىمدەرىنىڭ قاۋىپسىزدىگىن قامتاماسىز ەتۋ قاعيدالارىن بەلگىلەيتىن كەلىسىمدى راتيفيكاتسيالاۋ تۋرالى زاڭ جوباسىن ماقۇلدادى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
زاڭ جوباسىن ءماجىلىس وكىلدەرىنە ساۋدا جانە ينتەگراتسيا ءمينيسترى باقىت سۇلتانوۆ تانىستىردى. «قۇجاتتىڭ نەگىزگى باعىتتارى وداق اۋماعىندا اينالىستاعى بارلىق ونىمدەردىڭ قاۋىپسىزدىگىن قامتاماسىز ەتۋ. بىرىنشىدەن, بۇل وداق دەڭگەيىندە ونىمگە قاتىستى مىندەتتى تالاپتار بەلگىلەنەتىن ءونىمنىڭ بىرىڭعاي تىزبەسىنە ەنگىزىلمەگەن ونىمدەر. ەكىنشىدەن, وداقتىڭ بىرىڭعاي تەحنيكالىق رەگلامەنتتەرى قابىلدانباعان نەمەسە كۇشىنە ەنبەگەن ونىمدەر. ءونىمنىڭ بىرىڭعاي تىزبەسى تۇتىنۋ جانە پايدالانۋ كەزىندە قاۋىپتىلىگى جوعارى تاۋەكەلدەرمەن سيپاتتالاتىن ءونىم تۇرلەرىن قامتيدى», دەدى مينيستر.
مينيستر بۇگىنگى تاڭدا اينالىسقا شىعارىلاتىن ءونىمنىڭ 85%-ى ەۋرازيالىق ەكونوميكالىق وداقتىڭ بىرىڭعاي تەحنيكالىق رەگلامەنتىمەن رەتتەلەتىنى ايتادى. قالعان 15%-دى بۇگىن ۇسىنىلىپ وتىرعان زاڭ رەتتەيتىن بولادى. ء«بىز تاۋارلار نومەنكلاتۋراسىنا تالداۋ جاسادىق. نەگىزىنەن بۇل الەۋەتتى قاۋىپ توندىرمەيتىن ونىمدەر. مىسالى ايتا كەتسەك, زەرگەر بۇيىمدارى, ساعات, تۇرمىستىق ششەتكا, جاساندى زەرگەر بۇيىمدارى جانە ت.ب», دەدى باقىت سۇلتانوۆ.
ۆەدومستۆو باسشىسى قابىلدانعالى وتىرعان كەلىسىم بيزنەس ءۇشىن اكىمشىلىك كەدەرگىلەر تۋدىرمايتىنىن اتاپ ءوتتى.
ء«ونىم تۋرالى مالىمەتتەردى اقپاراتتىق بازادا جيناقتاۋ كوزدەلەدى. ولار تۇتىنۋشىلار ءۇشىن قولجەتىمدى جانە نارىقتاعى جاعدايدى زەرتتەۋ ماقساتىندا پايدالانۋعا اشىق بولادى. بۇل جاڭا ءونىم تۇرلەرىنىڭ پايدا بولۋىنا جەدەل دەن قويۋعا جانە تۇراقتى مونيتورينگ جۇرگىزۋگە مۇمكىندىك بەرەدى», دەدى مينيستر.
ءمينيستردىڭ ايتۋىنشا, رەسەي, بەلارۋس جانە قىرعىزستان بۇگىنگە دەيىن اتالمىش كەلىسىمدى راتيفيكاتسيالاۋ بويىنشا مەملەكەتىشىلىك راسىمدەردى اياقتاپ قويعان. ءماجىلىس دەپۋتاتتارى زاڭ جوباسىن ءبىراۋىزدان ماقۇلداپ, داۋىس بەردى.