2021 جىلعى 30 ناۋرىزدا قازاقستان ماشينا جاساۋشىلار وداعىنىڭ جالپى جينالىسى ءوتتى, دەپ حابارلايدى ەgemen.kz.
وداق باسقارماسىنىڭ توراعاسى - مەيرام پىشەمباەۆ ءوزىنىڭ كىرىسپە سوزىندە وتاندىق ماشينا جاساۋ سالاسى قازىرگى ۋاقىتتا قارقىندى دامۋىن جالعاستىرىپ كەلە جاتقانىن اتاپ ءوتتى.
ەستەرىڭىزگە سالا كەتەيىك, سالاداعى ءوندىرىستىڭ تۇراقتى كولەمىن قولداۋ ماقساتىندا ۇكىمەت بيزنەس-قوعامداستىق ازىرلەگەن مىناداي قولداۋ شارالارىن قابىلدادى:
ماشينا جاساۋ سالاسىنداعى كاسىپورىندارعا ەڭبەكاقى تولەۋ قورىنان سالىقتار مەن تولەمدەردى تولەۋدى كەيىنگە قالدىرۋ; نەسيەلەر بويىنشا تولەمدەردى كەيىنگە قالدىرۋ; كۆازيمەملەكەتتىك سەكتوردى ساتىپ الۋدا وڭدەۋشى ونەركاسىپ كاسىپورىندارىمەن وففتەيك كەلىسىمشارتتار جاساسۋ مۇمكىندىگى; ارنايى جانە اۋىل شارۋاشىلىعى تەحنيكاسىن ليزينگكە ساتىپ الۋعا ارنالعان قاراجاتتىڭ تومەندەۋىنە جول بەرمەۋ; بيزنەس احۋالدى جاقسارتۋ جانە جاڭا جوبالاردى قۇرۋ ماسەلەلەرى بويىنشا قر كاسىپكەرلىك جانە سالىق كودەكستەرىنە زاڭنامالىق دەڭگەيدە تولىقتىرۋلار مەن وزگەرىستەر ەنگىزىلدى.«وسى جانە باسقا دا قابىلدانعان شارالار وڭ ناتيجە بەردى. ولار ءوندىرىس كولەمىن ساقتاپ قانا قويماي, ۇلعايتۋعا دا مۇمكىندىك بەردى», دەپ اتاپ ءوتتى مەيرام پىشەمباەۆ.
سونداي-اق, 2020 جىلى قازاقستان ماشينا جاساۋشىلار وداعىنىڭ قاتىسۋىمەن قر ۇكىمەتى «ونەركاسىپتىك ساياسات تۋرالى» قر زاڭىنىڭ جوباسىن ازىرلەدى جانە ونەركاسىپتى دامىتۋ قورىن, مۇناي-گاز ماشيناسىن جاساۋدى دامىتۋ جونىندەگى حالىقارالىق ورتالىقتى قۇرۋدى ماقۇلدادى, بۇل داعدارىستان كەيىنگى قالپىنا كەلتىرۋ جانە سالانى ودان ءارى دامىتۋ ءۇشىن سەرپىن بەرەدى. وسى شارالاردىڭ بارلىعى وتاندىق ماشينا جاساۋ كاسىپورىندارىنىڭ باسەكەگە قابىلەتتىلىگىن ارتتىرۋعا, ءوندىرىس كولەمىن ساقتاۋعا مۇمكىندىك بەرەدى جانە ماشينا جاساۋ سالاسىنىڭ ودان ءارى ءوسۋىن قامتاماسىز ەتەدى.