اتىراۋ وبلىسىنداعى اۋرۋحانالار 267 وكپەنى جاساندى جەلدەتۋ اپپاراتىمەن قامتىلىپ وتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قايسار ابداليەۆتىڭ ايتۋىنشا, ۇكىمەتتىڭ, اتىراۋ وبلىسى اكىمدىگىنىڭ قولداۋىمەن, سونداي-اق, دەمەۋشى كومپانيالاردىڭ كومەگىمەن كوروناۆيرۋس ينفەكتسياسىن جۇقتىرعان ناۋقاستاردى ەمدەۋ ءۇشىن قاجەتتى جابدىقتار ساتىپ الىنىپتى.
«اتاپ ايتقاندا, وبلىستاعى اۋرۋحانالار 4 مرت, 12 كومپيۋتەرلىك توموگرافيا, 41 رەنتگەن اپپاراتىمەن قامتىلدى. بۇعان قوسا 669 وتتەگى كونتسەنتراتورى, 1514 پۋلسوكسيمەتر, 267 وكپەنى جاساندى جەلدەتۋ اپپاراتى مەن 8 وتتەگى ستانساسى ىسكە قوسىلدى» دەيدى قايسار ابداليەۆ.
ونىڭ مالىمەتىنشە, جەدەل مەديتسينالىق جاردەم ستانساسىنىڭ اۆتوپاركى تولىق جاڭارتىلدى. قازىر بۇل ستانسادا «103» قىزمەتىنە تۇسكەن شاقىرۋعا باراتىن 113 ارنايى كولىك پەن 7 جىلجىمالى مەديتسينالىق كەشەن بار.