اتىراۋدا 38 جاستاعى ازاماتتىڭ اليمەنت تولەۋدەن جالتارىپ, حالىقارالىق ىزدەۋدە جۇرگەنى اشكەرەلەندى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ اقپاراتىنا قاراعاندا, 26 ناۋرىزدا ساعات 11:00 شاماسىندا پوليتسەيلەر ونى كوشەدە ماس كۇيدە ۇستاعان.
«اتىراۋ قالاسىنداعى №6 ۋچاسكەلىك پوليتسيا بەكەتىنىڭ ۋچاسكەلىك پوليتسيا ينسپەكتورلارى تەكسەرۋ كەزىندە ماس جىگىتتىڭ تۇركىستان قالاسىنىڭ تۇرعىنى ەكەنىن انىقتادى. جاسى – 38-دە. وعان قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 440-بابىنىڭ 1-بولىگىمەن (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ) اكىمشىلىك حاتتاما تولتىرىلىپ, 5 ايلىق ەسەپتىك كورسەتكىش كولەمىندە ايىپپۇل سالىندى. سونداي-اق, وعان 2017 جىلدان بەرى اليمەنت تولەۋدەن جالتارىپ, قاشىپ جۇرگەنىنە بايلانىستى حالىقارالىق ىزدەۋ جاريالانعانى بەلگىلى بولدى» دەپ حابارلادى دەپارتامەنتتىڭ ءباسپاسوز قىزمەتىنەن.