«Balapan» تەلەارناسى قازاقستان تاۋەلسىزدىگىنىڭ 30 جىلدىعىنا وراي بالالارعا ارنالعان ء«ال-فارابي» تەلەحيكاياسىن جارىققا شىعاردى, دەپ حابارلايدى Egemen.kz.
2D تەحنيكاسىندا جاسالعان تەلەحيكايانىڭ جوباسىنا ارقايسىسى 8 مينۋتتان تۇراتىن 10 سەريا كىردى.
وندا بالالار اتاقتى جەرلەسى, عىلىمنىڭ دامۋىنا ەلەۋلى ۇلەس قوسقان, الەمگە تانىمال عالىم جانە فيلوسوف ءابۋ ناسىر ءال-ءفارابيدىڭ ءومىرى مەن ونىڭ عىلىمي جەتىستىكتەرىمەن تانىسۋعا مۇمكىندىك الادى. جوبادا عۇلامانىڭ بالالىق شاعى, عىلىمعا كەلۋ جولى كەڭىنەن سۋرەتتەلەدى.
- بالالاردىڭ ەل تاريحىن بىلۋگە, سونداي-اق ءال-ءفارابيدىڭ عالىم مەن اعارتۋشى رەتىندەگى وبرازى ارقىلى بۇلدىرشىندەردىڭ عىلىمعا دەگەن ۇمتىلىسىن وياتاتىنداي ءبىلىم بەرەتىن تەلەحيكايانى جاساۋدى ماقسات كوردىك, - دەيدى «Balapan» تەلەارناسىنىڭ ديرەكتورى ماقپال جۇماباي.
جوبانىڭ باستى ماقساتى - مەكتەپكە دەيىنگى جانە مەكتەپ جاسىنداعى بالالار اراسىندا عىلىمي ءبىلىمنىڭ ماڭىزدىلىعىن ناسيحاتتاۋ.
انيماتسيالىق تەلەحيكايا نۇر-سۇلتان ۋاقىتىمەن 20:30, 23:00-دە دۇيسەنبىدەن جۇماعا دەيىن «Balapan» تەلەارناسىندا كورسەتىلەدى.