ءۇندىستاننىڭ نيۋ-دەلي قالاسىندا وتكەن رەيتينگتىك الەم كۋبوگى كەزەڭىندە وتاندىق مەرگەندەر ءساتتى ونەر كورسەتتى. اتاپ ايتار بولساق, ستەند اتۋدان skeet جاتتىعۋى بويىنشا زويا كراۆچەنكو كۇمىس مەدال يەلەندى.
ۇلتتىق وليمپيادا كوميتەتىنىڭ مالىمەتى بويىنشا, كوماندالىق سىندا زويا كراۆچەنكو, ولگا پانارينا جانە ريناتا ناسىروۆا فينالدا ءۇندىستان سپورتشىلارىن جەڭىپ, التىن مەدال السا, داۆيد پوچيۆالوۆ, ەدۋارد ەششەنكو مەن الەكساندر مۋحامەديەۆ كوماندالىق سىندا قولا مەدال ولجالادى. ال الەكساندر ەششەنكو مەن ولگا پانارينا ارالاس باسەكەدە كۇمىسكە قول سوزدى.
Trap جاتتىعۋى دا ءبىزدىڭ سپورتشىلار ءۇشىن جۇلدەسىز اياقتالعان جوق. ايەلدەر اراسىنداعى كوماندالىق سىندا ماريا دميتريەنكو, سارسەنكۇل رىسبەكوۆا جانە ايجان دوسماعامبەتوۆا كۇمىس, ەرلەر اراسىندا قازاقستان كومانداسى قولا جۇلدەگەر اتاندى. بۇل – قازاقستاندىق مەرگەندەردىڭ الەم كۋبوگى كەزەڭدەرىندەگى ەڭ جوعارى ناتيجەسى.