كولىك سالىعىن تولەۋدىڭ قولايلى ءادىسى

كەشە ورتالىق كوممۋنيكاتسيا­لار قىزمەتىندە وتكەن بري­فينگتە قارجى مينيسترلىگى مەم­لەكەتتىك كىرىستەر كوميتەتى دەپار­تامەنتىنىڭ ديرەكتورى ازامات سادىقوۆ كوميتەت پەن ءىىم اكىمشىلىك پوليتسيا كومي­تەتىنىڭ اراسىندا ۆەدوم­ستۆولىق اقپاراتتىق جۇيەلەردى بىرىزدەندىرۋ ءجۇرىپ جاتقانىن اتاپ ءوتتى. «مەملەكەتتىك كىرىس­تەر كوميتەتى «سالىقتىق اكىم­شىلەن­دىرۋدى رەفورمالاۋ» جوباسى شەڭ­بەرىندە «ينتەگرا­تسيا­لانعان دەرەكتەر بازاسى» اقپاراتتىق جۇيە­سىندە «جەر­گىلىكتى سالىقتار» كىشى جۇيەسىن ازىر­لەدى. سونىڭ اياسىندا ەكى جىل بويى كولىك سالىعىن ەسەپتەۋ جۇمىستارى جۇرگىزىلدى. تولەم­دەردى ەسەپتەۋ كەزىندە اكىمشىلىك پوليتسيانىڭ اقپاراتتارى پايدالانىلدى», دەيدى ول.

تۇرعىندارعا ءتيىمدى e-Salyq Azamat ءموبيلدى قوسىمشاسىن كەز كەلگەن ازامات پايدالانا الا­دى. ول ءۇشىن ۇيالى تەلەفونعا قوسىمشانى جۇكتەپ السا جەت­كىلىكتى. جۇيە ارقىلى سالىق تولەۋ­شىلەر قانشا قارىزى بارىن جانە م ۇلىك, جەر, كولىك قۇرال­دارى جونىندە مالىمەتتەردى تەك­سەرە الادى. «كولىك سالىعى تۋرالى دەرەكتەر «الدىن الا تو­لەم­دەر» بولىمىندە ورنالاسقان. ءمو­بيلدى قوسىمشاعا كىرۋ ءۇشىن ازا­ماتتاردىڭ تەلەفون نومىرىندە جەكە سايكەستەندىرۋ ءنومىرى تىر­كەل­گەن بولۋى كەرەك. بۇل سالىق تولەۋشىنىڭ جەكە دەرەگىن قورعاۋ, قاۋىپسىزدىكتى قامتاماسىز ەتۋ ماق­ساتىندا ەنگىزىلگەن. سودان كەيىن دايىن تۇرعان رەكۆيزيتتەر ارقىلى وزىڭىزگە قانشا سالىق ەسەپتەلگەنىن بىلۋگە بولادى»,  دەيدى ا.سادىقوۆ.

كوميتەت وكىلىنىڭ ايتۋىنشا, قولعا الىنعان تسيفرلاندىرۋ جۇمىستارى سالاداعى ءبىرشاما كەم-كەتىكتى تۇزەۋگە مۇمكىندىك بەرەدى. مىسالى, باياعىدا ساتىلىپ كەتكەن كولىكتىڭ سالىعىن بۇرىنعى يەسىنىڭ موينىنا جازۋ سياقتى كەلەڭسىزدىكتەر بولمايدى دەپ سەندىردى ماماندار. مەملەكەتتىك كىرىستەر كوميتەتى وندى­رىستىك ەمەس تولەمدەردى اكىم­­­شىلەندىرۋ باسقارماسى باس­شى­­سىنىڭ ورىنباسارى ولجاس وتاردىڭ سوزىنشە, ەگەر بىرنەشە جىل بۇرىن كولىك ساتىلىپ كەتكەن بولسا, سوعان قاراماستان بۇرىنعى يەسىنە  سالىق تولەۋ تۋرالى حابارلاما كەلسە, وندا E-Salyq-Azamat  قوسىمشاسىنداعى تۇ­زەتۋ قىزمەتىن پايدالانۋعا بولادى. قازىرگى ۋاقىتتا بۇل تۇزەتۋ قىز­مەتىن 11 مىڭنان استام ادام قول­دانىپ, مالىمەتتەردى وزگەرت­كەن. «ەگەر كولىكتى كەلىسىمشارت ار­قىلى ساتىپ, ەسەپتەن شىعارعان بولساڭىز, وندا ونى ۋاكىلەتتى ورگاننىڭ ەسەبىنەن شىعارۋعا بولادى. ال سەنىمحات ارقىلى ساتىل­عان كولىك بۇرىنعى يەسىنىڭ اتىندا قالا بەرەدى. مەملەكەتتىك تىركەۋ كىمنىڭ اتىنان جۇرگىزىلسە, سول ازاماتتا قالادى. سوندىقتان ۋاكىلەتتى ورگانعا بارىپ, كولىكتى ەسەپتەن شىعارۋ كەرەك. سونىمەن قاتار جۇرمەيتىن, جارامسىز كولىكتىڭ سالىعىنا بايلانىستى كوپتەگەن ازاماتتان شاعىم ءتۇسىپ جاتادى. مۇنداي جاعدايدا پايدالانبايتىن, ىستەن شىققان كولىكتى ءوز مەنشىگىڭىز رەتىندە ەسەپ­تەن شىعارىپ تاستاعانىڭىز ءجون», دەيدى و.وتار.

مامانداردىڭ ايتۋىنشا, سا­لىق تولەۋشىنىڭ ءبىر قالادان ەكىن­­شى قالاعا تۇرعىلىقتى مەكەنجايى اۋىسقان جاعدايدا سا­لىق تولەۋ جۇيەسى دە اۆتومات­تى تۇردە اۋىسادى. كولىك سالىعى بۇرىنعى مەكەنجاي بويىنشا تولەنىپ قويسا, وندا جۇيەنى باقىلاپ وتىر­عان سالىق قىزمەتكەرلەرى تۇزە­تۋ ەن­گى­زىپ, جاڭارعان دەرەك­تەردى  جاڭا مەكەن­جايعا جىبەرەدى.

باسقا جاققا كوشكەن كەزدە كو­لىكتىڭ مەملەكەتتىك  ءنومىرىن اۋىس­تىرۋ مىندەتتى ەمەس. كولىك سالىعى تۇرعىلىقتى جەرى بويىنشا ەسەپتەلەدى.

«سالىقتى ۋاقتىلى تولەپ وتىرۋ – ءار ازاماتتىڭ مىندەتى. مەر­­زىمىندە تولەنبەگەن سالىققا قوسىم­شا ۇستەمەاقى جۇرەتىنىن جانە تولەنبەي قالعان سالىق شەك­تەن اسىپ كەتسە, شەتەلگە شىعۋ دا مۇمكىن بولمايتىنىن ەسكەرتە كەتەيىك. جەڭىل كو­لىك سالىعىنىڭ مولشەرى قوز­عالت­قىشتىڭ كو­لە­مىنە, ال جۇك كولىكتەرى ءۇشىن­ جۇك كوتەرۋ سالماعىنا, اۆتوبۋستار ءۇشىن وتى­­راتىن ورىندار سانىنا بايلانىستى بولادى. ال موتوتسيكلدەر ءۇشىن كولىك سالىعى قوز­عالتقىشتىڭ قۋاتىنا بايلانىستى ەسەپتەلەدى», دەيدى ماماندار.