قازاقستان تۋروپەراتورلار قاۋىمداستىعى پتر تەستىلەۋدەن وتكەنى تۋرالى انىقتامانى ەلىمىزگە ۇشاردان 72 ساعات بۇرىن جاساۋدى مىندەتتەۋدى سۇرادى. اتالعان ەرەجە مىسىر, ءباا, مالديۆ رەسپۋبليكاسى, شري-لانكا جانە تۇركيادان قازاقستاننىڭ بارلىق قالاسىنا ۇشاتىن رەيسكە قاتىستى بولادى. وكىم-حات اتالعان باعىتتار بويىنشا قىزمەت كورسەتەتىن بارلىق اۆياكومپانياعا جولداندى. بۇل تالاپ بارلىق (چارتەرلىك/تۇراقتى) تۋريستىك رەيسكە قولدانىلادى, دەپ حابارلايدى Egemen.kz مادەنيەت جانە سپورت مينيسترلىگىنە سىلتەمە جاساپ.
«ەلدەگى ەپيدەميالىق جاعدايدىڭ ناشارلاۋىن ەسكەرە وتىرىپ, كوروناۆيرۋستىڭ تارالۋىن ازايتۋ ماقساتىندا قاۋىمداستىق زەرتتەۋ قۇنىن تۋرپاكەتكە قوسۋ تۋرالى شەشىم قابىلدادى. بۇل قولدانىستاعى تۋريستىك اعىمدى ساقتاپ, ازاماتتارىمىزعا شەتەلدە دەمالۋعا مۇمكىندىك بەرەتىن جالعىز شەشىم», دەدى قازاقستاننىڭ تۋروپەراتورلار قاۋىمداستىعىنىڭ پرەزيدەنتى يننا رەي.
ء«بىز شەتەلدە تەست تاپسىرۋدىڭ بىرنەشە نۇسقاسىن شۇعىل تۇردە قاراستىرىپ جاتىرمىز. مىسالى, تۋروپەراتورلار مەديتسينا قىزمەتكەرلەرىنىڭ قوناق ۇيلەرگە كەلۋىن ۇيىمداستىرادى نەمەسە كەرىسىنشە دەمالۋشىلاردى ارنايى تەست جاسايتىن پۋنكتتەرگە اپارادى», دەپ اتاپ ءوتتى Tui Kazakhstan ديرەكتورى سالتانات وماروۆا.