ماسكەۋدە قر پرەمەر-ءمينيسترىنىڭ ورىنباسارى رومان سكليار رەسەي فەدەراتسياسى ۇكىمەتى توراعاسىنىڭ ورىنباسارى يۋري بوريسوۆپەن كەلىسسوز جۇرگىزدى.
قازاقستان پرەمەر-ءمينيسترى اسقار ءماميننىڭ 22 ناۋرىزدا وتكەن رەسەي ۇكىمەتىنىڭ توراعاسى ميحايل ميشۋستينمەن كەزدەسۋىنىڭ قورىتىندىسى بويىنشا ۋاعدالاستىقتاردى دامىتۋ اياسىندا ۆيتسە-پرەمەرلەر قازاقستان-رەسەي ونەركاسىپتىك كووپەراتسياسى سالاسىنداعى بىرلەسكەن ءىس-قيمىل باعدارلاماسى شەڭبەرىندەگى ەكىجاقتى ىنتىماقتاستىقتىڭ وزەكتى ماسەلەلەرىن قاراستىردى. تاراپتار بۇرىن كەلىسىلگەن بىرلەسكەن جوبالاردى ىسكە اسىرۋدى جەدەلدەتۋ جونىندەگى اعىمداعى جاعداي مەن بۇدان كەيىنگى قادامداردى تالقىلادى.
سونداي-اق, قازاقستانداعى ونەركاسىپتىك كووپەراتسيانىڭ جاڭا پەرسپەكتيۆالىق جوبالارىن زەردەلەۋ ارقىلى ينۆەستيتسيالىق ىنتىماقتاستىقتى كەڭەيتۋ ماسەلەلەرى قارالدى. بۇدان ارعى بىرلەسكەن جۇمىس پەرسپەكتيۆالارى تۋرالى ايتا وتىرىپ, ءوزارا ءتيىمدى ەكونوميكالىق ىنتىماقتاستىق قاعيداتتارىنا, ونەركاسىپ, ساۋدا-ەكونوميكالىق, ينۆەستيتسيالىق سالالاردا نەعۇرلىم تىعىز ءوزارا ءىس-قيمىل جاساۋ ءۇشىن قوسىمشا مۇمكىندىكتەر تۋدىرۋ بويىنشا بىرلەسكەن شارالاردى ىسكە اسىرۋعا ءوزارا بەيىلدىلىك ءبىلدىرىلدى.
كەزدەسۋگە قاتىسۋشىلار قازاقستان مەن رەسەي اراسىنداعى ۇكىمەتارالىق ديالوگتىڭ تيىمدىلىگى مەن قاجەتتىلىگىن اتاپ ءوتىپ, ءوزارا بايلانىستاردىڭ جوعارى قارقىنىن ساقتاۋعا كەلىستى.