تۇركياداعى Antalya Cup-2021 حالىقارالىق تۋرنيرىنە قاتىسىپ جاتقان فۋتبولدان قازاقستان جاستار قۇراماسى (U-21) جارىستى جەڭىسپەن باستادى.
سولتۇستىك ماكەدونيادان كەلگەن قۇرداستارىمەن جاسىل الاڭدا كەزدەسكەن قايرات نۇرداۋلەتوۆتىڭ شاكىرتتەرى قارسىلاستارىنان 2:1 ەسەبىمەن باسىم ءتۇستى. ماتچتىڭ 54-مينۋتىندا «استانا» كلۋبىنىڭ قورعاۋشىسى ساعي سوۆەت ەسەپ اشسا, 73-مينۋتتا ابىلايحان جۇمابەك تابلوداعى كورسەتكىشتى ەسەلەي ءتۇستى. ايتا كەتەيىك, سولتۇستىك ماكەدونيا قۇراماسى بىلتىر 2021 جىلعى ەۋروپا چەمپيوناتىنىڭ ىرىكتەۋ كەزەڭىندە جەرلەستەرىمىزدى ءوز جەرىمىزدە 4:1 ەسەبىمەن تىزە بۇكتىرگەن ەدى.
ءبىزدىڭ جىگىتتەر كەلەسى ويىنىن بۇگىن بولگاريا جاستار قۇراماسىمەن وتكىزەدى. كەزدەسۋ ەلوردا ۋاقىتىمەن 20:00-دە باستالادى. ال 28 ناۋرىزدا وزبەكستان فۋتبولشىلارىمەن كەزدەسەدى.