ۇلتتىق بانكتىڭ بانكنوتتار مەن مونەتالارعا ساراپتاما جاساۋ باسقارماسىنىڭ باسشىسى اسحات ابىشەۆ وتكەن جىلى جالعان بانكنوتتار اينالىمى 2019 جىلمەن سالىستىرعاندا 38%-عا ازايعانىن مالىمدەدى, دەپ جازادى Egemen.kz.
ۇلتتىق بانك وكىلى حابارلاعانداي, 2020 جىلى 823 جالعان بانكنوت اينالىمعا شىقسا, 2019 جىلى بۇل كورسەتكىش 1 319 بانكنوتقا دەيىن وسكەن. اسحات ابىشەۆ ناقتىلاپ وتكەندەي, تومەندەۋگە اسەر ەتكەن نەگىزگى سەبەپ – قازىرگى كارانتيندىك شارالار مەن شەكتەۋلەر, ويتكەنى, قولدان اقشا جاسايتىندار ادەتتە جالعان اقشانى بازارلاردا, جانارماي قۇيۋ بەكەتتەرىندە جانە شاعىن ازىق-ت ۇلىك دۇكەندەرىندە وتكىزىپ جىبەرەدى. قولدان كوپ جاسالاتىن اقشاعا 2 000 جانە 5 000 تەڭگەلىك بانكنوتتار جاتادى – سايكەسىنشە, جالپى كولەمنىڭ 42,5% جانە 37,6%.ايتا كەتەيىك, جالعان بانكنوتتاردىڭ كوپ بولىگى الماتىدا (554 دانا, نەمەسە 67,3%), از مولشەرى ەلىمىزدىڭ باتىس وڭىرىندە انىقتالعان.