جاڭا اۋرۋحانادا ءبارى بار

وبلىستىق دەنساۋلىق ساقتاۋ باس­قار­ما­سىنىڭ باسشىسى اسحان باي­دۋا­ليەۆ­تىڭ ايتۋىنشا, 200 ورىندىق مودۋلدىك تيپتەگى اۋرۋحانا ءتورت بلوكقا بولىنگەن. مۇندا 180 توسەك-ورىن ستاتسيونارلىق ەمدەۋگە, ال 20 توسەك رەانيماتسيا مەن قارقىندى تەراپياعا ارنالعان.

– مودۋلدىك اۋرۋحانانىڭ قۇرىلىسى ينفەكتسيالىق باقىلاۋدىڭ بارلىق تالابى­نا ساي بوي كوتەردى. مۇندا دياگنوستيكا مەن ەمدەۋ ءۇشىن زاماناۋي مەديتسينالىق جابدىقتاردىڭ ءبارى بار. اتاپ ايتقاندا, كومپيۋتەرلىك توموگرافيا, ساندىق رەنتگەن, مەديتسينالىق گاز جۇيەسىمەن, ۋدز, ەكگ, وكپەنى جاساندى جەلدەتۋ سەكىلدى ەڭ قاجەتتى اپپاراتتارمەن قامتىلدى. سونداي-اق قاۋىپسىزدىك دەڭگەيى جوعارى «اقىلدى» جەلدەتۋ جۇيەسى ورناتىلدى. ءار پالاتاداعى ناۋقاستار توسەك-ورىننىڭ جانىنداعى ارنايى تۇيمە ارقىلى مەديتسينا قىزمەتكەرىن جەدەل شاقىرا الادى. ال وقشاۋلانعان بوكستارعا ارنايى چيپپەن كىرۋگە بولادى. بۇيرەك جەتكىلىكسىزدىگىمەن اۋىراتىن پاتسيەنتتەر ءۇشىن گەمودياليز جاساۋ قىزمەتى قولعا الىندى, – دەيدى ا.بايدۋاليەۆ.

قازىر مودۋلدىك ينفەكتسيالىق اۋرۋحانادا كوروناۆيرۋس ينفەكتسياسىن جۇق­تىرعان 20 ناۋقاس ەم قابىلداۋدا. ال وب­لىستىق №2 ينفەكتسيالىق اۋرۋحانادا قا­ۋىپتى ۆيرۋسقا شالدىققان 84 ناۋقاس ەمدە­لۋ­دە. ونىڭ ىشىندە 8 پاتسيەنت جانساقتاۋ بو­لى­مىندە جاتىر.

– ناۋقاستاردىڭ ەڭ ۇلكەنى – 92 جاستا, ال ەڭ كىشىسى – 30 جاستا. اۋرۋحاناعا ءۇش جۇكتى ايەل تۇسكەن ەدى. قازىر ونىڭ ەكەۋى بوسانىپ, قاجەتتى ەمىن الۋدى جالعاستىرۋدا. بۇعان دەيىن ەكى بالا اۋىرىپ, ەمدەلىپ شىقتى. جاقىندا 20 پاتسيەنت مودۋلدىك تيپتەگى جاڭا اۋرۋحاناعا اۋىستىرىلدى. ولار قالعان ەمىن سول مەديتسينالىق نىساندا جالعاستىرادى, – دەيدى №2 وبلىستىق ينفەكتسيالىق اۋرۋحانا ديرەكتورىنىڭ ورىنباسارى ناديا ەرعاليەۆا.

ونىڭ ايتۋىنشا, اۋرۋحانادا پولي­مە­را­زالىق تىزبەكتى رەاكتسياعا (پتر) تالداۋ جاسايتىن ورتالىقتاندىرىلعان ۆيرۋسو­لو­گيالىق زەرتحانا جۇمىس ىستەي باستادى. مۇندا تاۋلىگىنە 3 مىڭ ناۋقاستىڭ ءاناليزىن تەكسەرۋگە مۇمكىندىك بار. جاڭا اۋرۋحانادا ناۋقاستارعا 15 دارىگەر-ينفەكتسيونيست, رەا­نيماتولوگ قىزمەت كورسەتەدى. ولار – ين­فەك­تسيالىق اۋرۋلاردى ەمدەۋ ءۇشىن الدىن الا تولىق دايىندىق كۋرستارىنان وتكەن بىلىك­تى دارىگەرلەر.

اتىراۋ وبلىسى