ۇلىستىڭ ۇلى كۇنى – ناۋرىز مەيرامى تاراز قالاسىنداعى ساياباقتار مەن الاڭداردا ۇيىمداستىرىلدى.
«كونە تاراز» تاريحي-ەتنومادەني كەشەنىنىڭ اۋماعىنا كيىز ۇيلەر تىگىلىپ, وندا قولونەر بۇيىمدارىنىڭ كورمەسى ۇيىمداستىرىلىپ, جاڭادان دۇنيەگە كەلگەن نارەستەگە ات قويۋ, بەسىككە سالۋ, بايلاۋ, باۋ تاعار, تۇساۋكەسەر سالتتارىنان كورىنىستەر قويىلدى. سونىمەن قاتار, قالا كاسىپكەرلەرىنىڭ ۇلتتىق قولونەر بۇيىمدارىنىڭ جارمەڭكەسى ءوتتى.
سونداي-اق, «جاستار» اللەياسىندا «Dombra party» اكتسياسىنىڭ, «باقىتتى بالا», ء«انشى بالاپان», «بالا داۋسى» جانە تاعى دا باسقا بايقاۋلاردىڭ جەڭىمپازدارى ماراپاتتالدى. ۇلىستىڭ ۇلى كۇنى ارت-كورمەلەر مەن سۋرەت سالۋ بايقاۋلارى دا ۇيىمداستىرىلدى. ناۋرىز مەرەكەسىنە وراي, ق.رىسقۇلبەكوۆ ساياباعىندا قۇماي تازى, بۇركىت, گىر تاسىن كوتەرۋ, توعىزقۇمالاق, اسىق اتۋ, قوي كوتەرۋ جانە وزگە دە ۇلتتىق سپورت تۇرىنەن ويىندار وتسە, «بالاساعۇن» ورتالىق كونتسەرت زالىنىڭ الدىندا سالت-داستۇردەن تەاترلاندىرىلعان كورىنىس قويىلدى. ال, مەرەكەلىك كونتسەرتتىك باعدارلاماسىنىڭ شەڭبەرىندە كيىز ۇيدەگى قولونەر كورمەسى ۇيىمداستىرىلدى.
سونىمەن قاتار, ب.مومىش ۇلى اتىنداعى «جەڭىس» ساياباعىندا كەلۋشىلەرگە زاماناۋي فورماتتاعى ۇلتتىق بي كورسەتىلىمى مەن ەتنيكالىق ستيلدەگى ءسان كورسەتىلىمى كورسەتىلدى. سول سياقتى, كيىز ۇيدەگى قولونەر كورمەسى دە ۇيىمداستىرىلدى.
ال, «قازاق حالقىنا مىڭ العىس» مونۋمەنتىنىڭ اۋماعىندا «مەن قازاقشا سويلەيمىن» اكتسياسى, ەتنيكالىق توپتار وكىلدەرىنىڭ قاتىسۋىمەن قازاق تاريحىن, ءداستۇرى مەن ادەت-عۇرىپتارىن بىلۋگە ارنالعان زياتكەرلىك ۆيكتورينالار, بايقاۋ جەڭىمپازدارى ماراپاتتالدى. بۇل كۇنى كونتسەرتتىك باعدارلامامەن قاتار, كيىز ۇيدەگى قولونەر كورمەسى دە ءوتتى.
وسى سىندى مەرەكەلىك ءىس-شارالار قازاقستان رەسپۋبليكاسىنىڭ تۇڭعىش پرەزيدەنتىنىڭ ساياباعى, جامبىل پوليتەحنيكالىق جوعارى كوللەدجى, جامبىل مەديتسينالىق جوعارى كوللەدجى, №29 ورتا مەكتەپ, №55 ورتا مەكتەپ, «داڭق» اللەياسى, «ۇلان» ستاديونى, ج.ۇشكەمپىروۆ اتىنداعى «تاراز-ارەنا» سپورت سارايى سياقتى ورىنداردا دا ۇيىمداستىرىلدى.
تاراز قالاسىنىڭ اۋماعىندا ورنالاسقان سپورت الاڭدارىندا دا ۇلتتىق سپورت تۇرلەرىنەن جارىستار ۇيىمداستىرىلىپ, جەڭىمپازدار ماراپاتتالدى.