بۇگىن, 17 ناۋرىز كۇنى, كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازارباەۆ ورتالىعىنىڭ باسقارما توراعاسى ب. سارسەنباەۆتىڭ اۆستريا, يراك, يران, ليۆان, لاتۆيا, مىسىر, پاكىستان, تۇركيا جانە باسقا مەملەكەتتەردىڭ شەتەلدىك ديپلوماتيالىق وكىلدىكتەرىنىڭ باسشىلارىمەن كەزدەسۋى ءوتتى, دەپ حابارلايدى Egemen.kz.
كەزدەسۋ قاتىسۋشىلارىنا العى سوزىندە, ن. نازارباەۆ ورتالىعىنىڭ باسقارما توراعاسى بولات سارسەنباەۆ قازاقستان تاۋەلسىزدىكتىڭ العاشقى كۇندەرىنەن باستاپ, بارلىق دىندەر مەن كونفەسسيالار اراسىندا ارەكەتتەستىك ماسەلەلەرى بويىنشا اشىق جانە سىندارلى ديالوگقا ۇمتىلىپ, الەمدە توزىمدىلىك يدەيالارىن جىلجىتۋعا بارىنشا ىقپالداسىپ جاتقاندىعىن اتاپ ءوتتى.
ءوزىنىڭ بايانداماسىندا بولات سارسەنباەۆ الەمدىك جانە ءداستۇرلى دىندەر كوشباسشىلارىنىڭ سەزىن وتكىزۋ ارقىلى وركەنيەتارالىق ديالوگتى كۇشەيتۋ ىسىندە قازاقستان رەسپۋبليكاسىنىڭ تۇڭعىش پرەزيدەنتى, ەلباسى ن.نازارباەۆتىڭ ءبىرتۋار ءرولىن اسا ەرەكشەلەدى.
سونىمەن بىرگە, بولات سارسەنباەۆ, قازاقستان رەسپۋبليكاسىنىڭ پرەزيدەنتى ق. توقاەۆتىڭ جۇيەلى ساياساتىنىڭ ارقاسىندا قازاقستان دىندەر جانە وركەنيەتتەر ديالوگىنىڭ جاھاندىق ورتالىعىنا اينالىپ, كونفەسسياارالىق جانە وركەنيەتارالىق ديالوگتى دامىتۋ بويىنشا كەڭ جانە ءتيىمدى سەرىكتەستىككە اشىق ەكەندىگىنە نازار اۋداردى.
سونداي-اق, باسقارما توراعاسى بولات سارسەنباەۆ ن. نازارباەۆ ورتالىعىنىڭ بولاشاقتاعى جوسپارلارىمەن ءبولىستى. بولات سارسەنباەۆتىڭ ايتۋىنشا, ن. نازارباەۆ ورتالىعى جۇمىس ورگانى رەتىندە قر پارلامەنت سەناتىنىڭ ماۋلەن اشىمباەۆتىڭ, سونىمەن قاتار, قر اقپارات جانە قوعامدىق دامۋ مينيسترلىگى جانە قر سىرتقى ىستەر مينيسترلىگى جەتەكشىلىگىمەن اعىمداعى جىلى XIX سەز حاتشىلىعى وتىرىسىن, سونىمەن قاتار, 2022 جىلى وتەتىن VII الەمدىك جانە ءداستۇرلى دىندەر كوشباسشىلارى سەزىن وتكىزۋ بويىنشا بەلسەندى ۇيىمداستىرۋشىلىق جۇمىس باستالعاندىعىن اتاپ ءوتتى. «الداعى سەز حاتشىلىعى كونفەسسياارالىق جانە وركەنيەتارالىق ديالوگتى كۇشەيتۋ بويىنشا سەزدىڭ جاھاندىق كۇن ءتارتىبىن جانە باستى تاقىرىپتارىن انىقتاۋعا سەپتىگىن تيگىزەدى», دەدى سپيكەر.
ءوز كەزەگىندە, شەتەلدىك ديپلوماتيالىق وكىلدىكتەرىنىڭ باسشىلارى ەلباسى ن. نازارباەۆ جانە قازاقستان رەسپۋبليكاسىنىڭ پرەزيدەنتى ق. توقاەۆتىڭ كونفەسسياارالىق ديالوگتى كۇشەيتۋدەگى رولدەرىن, سونىمەن قاتار, مادەني-اعارتۋشىلىق ءمانى بار جانە بەيبىتشىلىك پەن كەلىسىمدى قولداۋداعى ورتاق جاۋاپكەرشىلىك قالىپتاستىراتىن حالىقارالىق ءىس-شارالاردى ۇيىمداستىرۋ ماڭىزدىلىعىن جوعارى باعالادى.
كەزدەسۋدى قورىتىندىلاي كەلە, باسقارما توراعاسى بولات سارسەنباەۆ وسى سىندى كەزدەسۋلەر بەيبىتشىلىك, نيەت ادالدىعىن ءبىلدىرىپ, رۋحاني قۇندىلىقتارىنىڭ تەرەڭدىگىن اشىپ, ەڭ جوعارى ادامگەرشىلىك قاعيدالارىن – مەيىرىمدىلىك, قايىرىمدىلىق جانە راقىمشىلدىقتى – بەينەلەيتىندىگىنە سەنىمدىلىك ءبىلدىردى. سونىمەن بىرگە, بولات سارسەنباەۆ ءوز سوزىندە: «وسى فورماتتاعى ءىس-شارالاردى وتكىزۋ ءبىزدىڭ مادەنيەتتەرىمىز, داستۇرلەرىمىز, دىندەرىمىز جانە مەملەكەتتەرىمىزدىڭ بولاشاقتا جاقىنداسۋىنا جاڭا مۇمكىندىكتەر اشاتىندىعىنا, بىزگە تاعى دا ورتاق رۋحاني جانە ادامي قۇندىلىقتار تۋرالى ەسكە سالاتىندىعىنا سەنىمدىمىن».
ساقتىق شارالارىن ۇستانا وتىرىپ, كەزدەسۋ قاتىسۋشىلارىنا قازاقستان رەسپۋبليكاسى تاۋەلسىزدىگىنىڭ 30-جىلدىعىنا وراي گالەرەيادا ورنالاستىرىلعان فوتوسۋرەتتەرمەن تانىسۋ مۇمكىندىگى ۇسىنىلدى.