تاراز قالاسى پوليتسيا باسقارماسىنىڭ تەرگەۋ ءبولىمى 25 جاستاعى جەرگىلىكتى تۇرعىنعا قاتىستى ينتەرنەت-الاياقتىقتىڭ 36 دەرەگى بويىنشا قىلمىستىق ءىستى تەرگەۋدى اياقتادى, دەپ حابارلايدى Egemen.kz
الاياق ازاماتشا ەكى جىل بويى ينتەرنەت-رەسۋرستاردى, دالىرەك ايتقاندا, ءوزىنىڭ «Instagram» جەلىسىندەگى پاراقشاسىن پايدالانا وتىرىپ, ايەلدەر كيىمىن ساتۋ سىلتاۋىمەن ساتىپ الۋشىلاردىڭ اقشالاي قاراجاتىن زاڭسىز يەمدەنىپ كەلگەن.
الاياقتىقتىڭ قۇرباندارى كوبىنە الماتى, نۇر-سۇلتان, اقتاۋ, تاراز, شىمكەنت, قىزىلوردا قالالارىنىڭ جانە باسقا دا وڭىرلەردىڭ تۇرعىندارى بولىپ تابىلادى.
تاراز قالاسى پوليتسيا باسقارماسىنىڭ تەرگەۋشىسى ۇسەن سمايىلوۆتىڭ كاسىبي بىلىكتىلىگىنىڭ ناتيجەسىندە قىسقا مەرزىمدە جوعارىدا اتالعان ازاماتشانىڭ الداۋىنا كەيبىر ازاماتتاردىڭ قاتىستىلىعىن راستايتىن جەتكىلىكتى ايعاقتار جينالعان.
«ينتەرنەت جەلىسىندەگى كۇدىكتى الاياقتىڭ ارەكەتتەرى قر قك 190-بابى 3-بولىگى 4-تارماعى (بىرنەشە رەت جاسالعان الاياقتىق) بويىنشا سارالانعان. وسى باپتىڭ سانكتسياسى مۇلكىن تاركىلەي وتىرىپ, 3 جىلدان 7 جىلعا دەيىن باس بوستاندىعىنان ايىرۋ تۇرىندەگى قىلمىستىق جازانى كوزدەيدى.