ەلوردادا «جانۇيا» وتباسى ينستيتۋتىن قولداۋ ورتالىعى 2019 جىلدىڭ تامىز ايىندا اشىلدى. بۇگىنگە دەيىن ورتالىق ماماندارىنا 70 344 ماسەلە بويىنشا 50 672 ادام جۇگىندى, دەپ حابارلايدى Egemen.kz
مەملەكەتتىك الەۋمەتتىك ساياسات - قوعامنىڭ الەۋمەتتىك ءومىر ءسۇرۋ جاعدايىن رەتتەۋدىڭ ءبىر باعىتى بولىپ سانالادى. وسى ورايدا, قالا اكىمدىگى تاراپىنان الەۋمەتتىك توپتار اراسىنداعى قارىم-قاتىناستاردى قولداپ, جالپى قوعام مۇشەلەرىنىڭ ءال-قۋاتى مەن ءومىر ءسۇرۋ دەڭگەيىن جاقسارتۋ نەگىزىندە 2019 جىلدىڭ 26 تامىزىندا قالا اكىمدىگىنىڭ جانىنان «جانۇيا» وتباسىن قولداۋ ورتالىعى پيلوتتىق جوبا رەتىندە اشىلعان بولاتىن.جوبانىڭ ماقساتى – قيىن جاعدايعا تاپ بولعان ءاربىر وتباسىعا پسيحولوگيالىق, الەۋمەتتىك جانە قۇقىقتىق كومەك, سونىمەن قاتار, وتباسى ينستيتۋتىنىڭ دامۋىنا جان-جاقتى قولداۋ كورسەتۋ.ورتالىق ء«بىر تەرەزە» پرينتسيپىنە نەگىزدەلىپ, قالا تۇرعىندارىنىڭ (كوپبالالى, تولىق ەمەس, الەۋمەتتىك از قامتىلعان, مۇگەدەك بالالاردى تاربيەلەپ وتىرعان وتباسىلارعا جانە ت.ب) ازاماتتاردىڭ جەكەلەگەن ساناتتارىنا كەشەندى كونسۋلتاتسيالىق قىزمەتتەر كورسەتەدى.
ورتالىقتا مەملەكەتتىك جانە كۆازيمەملەكەتتىك سەكتوردىڭ جۇمىسى ۇيىمداستىرىلعان, ولار – نۇر-سۇلتان قالاسىنىڭ ء«بىلىم باسقارماسى» مم, «قوعامدىق دەنساۋلىق ساقتاۋ باسقارماسى» مم, «حالىقتى جۇمىسپەن قامتۋ» ورتالىعى كمم, «تۇرعىن ءۇي» قورى كمم, «وتباسى بانكى» اق, «كاسىپكەر انا» قق وكىلدەرى كونسۋلتاتسيالىق قىزمەت كورسەتەدى.
سونداي-اق, ورتالىقتا قۇقىقتىق, پسيحولوگيالىق كەڭەس الۋ سونىمەن قاتار قيىن جاعدايعا تاپ بولعان وتباسىلاردى الەۋمەتتىك سۇيەمەلدەۋ ۇيىمداستىرىلادى.
ورتالىق بازاسىندا, باسقارمالار مەن ولارعا باعىنىستى باسقا دا ۇيىمدارىنىڭ ءبىرىنشى باسشىلارى ازاماتتاردى قوعامدىق قابىلداۋ جۇرگىزەدى.
سونىمەن قاتار, ورتالىقتا تسيفرلىق ساۋاتتىلىقتى ارتتىرۋ ماقساتىندا جانە الەۋمەتتىك قىزمەت كورسەتۋ پورتالىندا جۇمىس ىستەۋ ءۇشىن وزىنە-ءوزى قىزمەت كورسەتۋ سەكتورىنىڭ جۇمىسى ۇيىمداستىرىلعان.
سەكتوردىڭ ماقساتى – تەحنيكالىق مۇمكىندىگى جوق جەكەلەگەن ازاماتتاردىڭ ساناتىنا, ەلەكتروندى ۇكىمەت, الەۋمەتتىك قىزمەت كورسەتۋ پورتالدارىندا ورتالىق قىزمەتكەرلەرىنىڭ كومەگىمەن, كونسۋلتاتسيالىق كەڭەس بەرۋ جانە جۇمىس ىستەۋدى ۇيرەتۋ بولىپ سانالادى.
2021 جىلدىڭ باسىنان باستاپ (16.03.2021) دەيىن ورتالىققا 8 833 سۇراق بويىنشا 8 488 – ادام جۇگىنگەن بولاتىن. ونىڭ ىشىندە 5 234 – ماسەلە بويىنشا جۇيەلى كەڭەستەر بەرىلدى, 3 599 - ماسەلەنى شەشۋگە شارالار قابىلداندى.
ايتا كەتەيىك, «جانۇيا» ورتالىعى بەيبىتشىلىك كوشەسى, 14-ۇيدە ورنالاسقان, دۇيسەنبىدەن جۇماعا دەيىن ساعات 9.00-دەن 18.00-گە دەيىن جۇمىس ىستەيدى, تۇسكى ءۇزىلىس ساعات 13.00-دەن 14.00-گە دەيىن, سەنبى-جەكسەنبى دەمالىس كۇندەرى.