ءتۇن ورتاسىندا قۇرمانعازى اۋدانىنىڭ ماقاش اۋىلدىق وكرۋگىندە تۇرعىن ءۇيدىڭ ءبىرى ورتەنگەن, دەپ حابارلايدى Egemen.kz.
«ۋچاسكەلىك پوليتسيا ينسپەكتورى تالعات راحيموۆ پەن كومەكشىسى ءبىرجان ماحمۋدوۆ, پوليتسيا قىزمەتكەرى باعىتجان قادىرباەۆ تۇنگى ساعات 01:00 شاماسىندا اۋىلداعى تۇرعىن ءۇيدىڭ بىرىنەن ءورت شىققانىن بايقاعان. پوليتسەيلەر وقيعا ورنىنا جەدەل جەتىپ, ورتەنگەن ۇيدەن 4 ەرەسەك ادام مەن 3 بالانى قۇتقاردى» دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
پوليتسەيلەر ءورت سوندىرۋشىلەر كەلگەنگە دەيىن قىزىل جالىندى سوندىرۋگە كومەكتەسكەن.