وبلىستىق دەنساۋلىق ساقتاۋ باسقارماسىنىڭ مالىمەتىنە قاراعاندا, وتكەن تاۋلىكتە كوروناۆيرۋس ينفەكتسياسىنا شالدىققاندار سانى 48 ادامعا كوبەيىپ وتىر, دەپ حابارلايدى Egemen.kz.
ناۋقاستاردىڭ دەنى جىلىوي اۋدانىندا ورنالاسقان تەڭىز كەنىشىنىڭ جۇمىسشىلارىنان تابىلىپ وتىر. مۇندا ءبىر تاۋلىكتە 36 ادام قاۋىپتى ۆيرۋستى جۇقتىردى. سونداي-اق, اتىراۋ قالاسىندا 10, قۇرمانعازى اۋدانىندا 1, يندەر اۋدانىندا 1 ادامنان ينفەكتسيا انىقتالدى.
«Covid-19 ينفەكتسياسى 10 ناۋقاستا سيمپتومدى تۇردە وتۋدە. سوڭعى مالىمەتكە سايكەس, وتكەن تاۋلىكتە كوروناۆيرۋس ينفەكتسياسىنان 50 ادام ەمدەلىپ شىقتى. قازىر 150 ادام ءۇي جاعدايىندا ەمدەلۋدى جالعاستىرۋدا. وبلىستىق ينفەكتسيالىق ستاتسيوناردا 80, اۋداندارداعى ستاتسيونارلاردا 16 ادام ەم قابىلداۋ ءۇشىن وقشاۋلاندى. ال, تەڭىز كەنىشىندەگى ينفەكتسيالىق ستاتسيوناردا 310 ادام ەم قابىلداپ جاتىر» دەپ حابارلادى باسقارمانىڭ ءباسپاسوز قىزمەتىنەن.