فرانتسيانىڭ سولتۇستىك-باتىسىنداعى برەتان اۋدانىندا كوروناۆيرۋس ىندەتىنىڭ جاڭا ءتۇرى انىقتالدى, دەپ حابارلايدى Egemen.kz
ەلدىڭ دەنساۋلىق مينيسترلىگى ول ادام دەنساۋلىعىنا اسا قاۋىپتى ەمەس ەكەنىن العا تارتادى.
دەسە دە, اۋرۋدىڭ بۇل ءتۇرىن انىقتاۋ قيىنعا سوققان. ۆيرۋستى جۇقتىرعان ادامداردا SARS-CoV-2-ءنىڭ سيمپتومدارى بايقالعان. ەڭ قىزىعى, پتر تەست سىنامالارىنىڭ ناتيجەسى تەرىسكە شىققان.
«كوروناۆيرۋستىڭ جاڭا ءتۇرى كوت-د`ارمور دەپارتامەنتىنىڭ لانون ورتالىعىندا اۋرۋحانادان تىركەلدى. 13 ناۋرىزدا 79 جاعداي بەلگىلى بولىپ, ونىڭ 8-ءى كوروناۆيرۋستىڭ جاڭا تۇرىنەن تابىلعان. ولار سەكۆەسترلەۋ ارقىلى انىقتالدى», دەيدى دەنساۋلىق مينيسترلىگىنىڭ وكىلى.
الدىن الا مالىمەت بويىنشا, ماماندار ونىڭ «قاۋىپسىزدىگى مەن ادامعا تاراۋى تۋرالى» ءالى شەشىم شىعارماعان. ماماندار ۆيرۋستى زەرتتەۋمەن اينالىسىپ جاتىر جانە ۆيرۋستىڭ بۇل ءتۇرى «الدىڭعى ۆيرۋس كەزىندە قالىپتاسقان انتيدەنە مەن ۆاكتسيناتسياعا» قالاي اسەر ەتەتىنىن زەرتتەيدى.
سول سەبەپتى ەل بيلىگى كوروناۆيرۋستىڭ جاڭا ءتۇرى تۋرالى اقپاراتتى حالىقارالىق دەنساۋلىق ساقتاۋ ورگاندارىنا جىبەرگەن.