بۇل تۋرالى اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ ءباسپاسوز قىزمەتىنەن ءمالىم ەتتى, دەپ حابارلايدى Egemen.kz.
رابيعا ەسىمدى 63 جاستاعى ايەل تاراز قالاسىندا ەسىرتكى ساتۋمەن اينالىسقان. ونى پوليتسيا قىزمەتكەرلەرى 2010 جىلى گەروين ساتۋ كەزىندە ۇستاعان. سوت ۇكىمىمەن 15 جىلعا سوتتالىپ, مۇلكى تاركىلەنگەن. جازاسىن قازاقستاننىڭ وزگە تۇرمەلەرىندە وتەپ, كەيىن اتىراۋداعى ۋگ-157/11 مەكەمەسىنە اۋىستىرىلىپتى.
«الايدا, قر قىلمىستىق-پروتسەسسۋالدىق كودەكسىنە سايكەس جازاسىن وتەۋشى 2021 جىلدىڭ ناۋرىز ايىندا مەرزىمىنەن بۇرىن شارتتى تۇردە بوستاندىققا شىقتى. وعان قاجەتتى قۇقىقتىق-الەۋمەتتىك كومەك كورسەتىلىپ, كۇتىپ الۋعا تۋىستارى شاقىرىلدى. جازاسىن وتەۋ كەزىندە ءتارتىپتى بولىپ, قۇقىق بۇزۋشىلىقتارمەن كوزگە تۇسكەن جوق. ول تۋرالى مالىمەت جامبىل وبلىسى بويىنشا قاجد جىبەرىلدى» دەيدى ۋگ-157/11 مەكەمەسى باستىعىنىڭ ورىنباسارى مەدەت ادجيكۋلوۆ.
شارتتى تۇردە بوستاندىققا شىققان 63 جاستاعى رابيعا تارازداعى ۇيىنە ورالىپ, تۋىستارىمەن كەزدەسپەك. سودان كەيىن تۇرمەدە بولعان كەزدە ومىردەن وتكەن تۋىستارىنىڭ رۋحىنا قۇران باعىشتاۋدى كوزدەپ وتىر.
«تۇرمەدە وتكەن 11 جىلدا كوپ نارسەنى جوعالتتىم. جاساعان قىلمىسىما وكىنۋمەن بولدىم. قارتايعان كەزىمدە نەمەرە-شوبەرەمدى ويناتۋدىڭ ورنىنا, قىلمىس جاسادىم. مەكەمە قىزمەتكەرلەرى مەنى تاربيەلەپ, دۇرىس جولعا سالدى. قالعان ءومىرىمدى تىنىش وتكىزگىم كەلەدى» دەيدى رابيعا.