الماتىدا الاياقتىقپەن اينالىسقان جۇپ ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
1991 جىلى تۋعان ك ەسىمدى ازامات جانە ونىڭ 28 جاستاعى قۇربىسى زاڭسىز ارەكەتكە بارعان. ەكەۋى دە جامبىل وبلىسىنىڭ تۋمالارى. كۇدىكتىلەر الداۋ جانە سەنىمگە قيانات جاساۋ ارقىلى بوتەننىڭ اقشاسىن ءىرى كولەمدە يەمدەنىپ العانى انىقتالدى.
– قىلمىس جاساۋ ءۇشىن ۇستالعاندار ينتەرنەت-رەسۋرستاردىڭ بىرىندە كەلەسى مازمۇنداعى جارنامانى ورنالاستىرعان: «نەسيە الۋعا كومەكتەسەمىن». پوتەنتسيالدى جابىرلەنۋشى حابارلاسقان كەزدە, قاسكويلەر ونى ەكىنشى دەڭگەيلى بانكتەردىڭ بىرىندە شوت اشۋ قاجەتتىگىنە سەندىرىپ, “Beeline” ابونەنتىنىڭ ۇيالى تەلەفونىنىڭ ءنومىرىن كورسەتىپ, بۇل كارتا كورسەتىلگەن نومىرگە بايلانعان بولۋى كەرەك دەپ سەندىرگەن. سودان كەيىن ولار ازاماتتاردى نەسيە الۋ ءۇشىن العاشقى تولەمنىڭ قاجەتتىلىگى تۋرالى سەندىردى. وسى ارالىقتا الاياقتار الىنعان سومانى ءموبيلدى بانكينگ ارقىلى باسقا كارتاعا اۋدارىپ, قولما-قول اقشاعا اينالدىردى, – دەدى الماتى قالالىق پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
قاسكويلەر الماتى وبلىسىنىڭ اۋىلدارىنىڭ بىرىندە ۇستالدى. قازىرگى ۋاقىتتا وسى جۇپتىڭ قىلمىستىق ارەكەتتەرىنەن زارداپ شەككەن ەلىمىزدىڭ ءار ايماقتارىنان 12 جابىرلەنۋشى انىقتالدى. كۇدىكتىلەر ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ قر قك-ءنىڭ 190-بابى بويىنشا جۇرگىزىلۋدە.