بۇل تۋرالى وبلىستىق ەكولوگيا دەپارتامەنتىنىڭ ءباسپاسوز قىزمەتى اقپارات تاراتتى, دەپ حابارلايدى Egemen.kz.
جول اپاتى 13 ناۋرىزدا ساعات 13:10-دا يساتاي اۋدانى, ح. ەرعاليەۆ اۋىلىنىڭ تۇسىمەن وتەتىن «اتىراۋ-استراحان» باعىتىنداعى اينالما جولدا بولعان.
«گەليوس» جشس-نە تيەسىلى ديزەل وتىنىن تاسىمالدايتىن «كاماز» كولىگى اۋدارىلدى. اپات سالدارىنان ديزەل توگىلىپ, توپىراق لاستاندى. اتالعان دەرەككە قاتىستى وبلىستىق ەكولوگيا دەپارتامەنتىنىڭ ماماندارى وقيعا ورنىنا بارىپ, تەكسەرۋ جۇرگىزدى. حيميالىق تالداۋ ءۇشىن توپىراق سىناماسى الىندى. تەكسەرۋ ناتيجەسىمەن «گەليوس» جشس اكىمشىلىك جاۋاپكەرشىلىككە تارتىلىپ, 291 700 تەڭگە ايىپپۇل سالىندى» دەپ حابارلادى دەپارتامەنتتىڭ ءباسپاسوز قىزمەتى.
«گەليوس» جشس-ءنىڭ ماماندارى لاستانعان اۋماقتى تازارتتى.