وبلىس اكىمى ماحامبەت دوسمۇحامبەتوۆتىڭ وكىمىمەن بۇل لاۋازىمدى ايگۇل اجىعاليەۆا اتقارادى. ول بۇعان دەيىن وبلىس اكىمىنىڭ ورىنباسارى بولعان, دەپ حابارلايدى Egemen.kz.
ايگۇل اجىعاليەۆا 1966 جىلى اتىراۋ وبلىسىنىڭ دامبى سەلولىق وكرۋگىندە دۇنيەگە كەلگەن. ءبىلىمى جوعارى, 1985 جىلى تسەلينوگراد قالاسىنداعى قارجى-ەكونوميكالىق تەحنيكۋمىن, 1991 جىلى الماتى حالىق شارۋاشىلىعى ينستيتۋتىن قارجىگەر ماماندىعىمەن بىتىرگەن.
ەڭبەك جولىن 1985 جىلى گۋرەۆ وبلىستىق قارجى ءبولىمىنىڭ كادر جۇمىسى جونىندەگى اعا ينسپەكتورى رەتىندە باستاعان. 1985-2005 جىلدارى وبلىستىق قارجى بولىمىندە, كەيىن وبلىستىق قارجى باسقارماسىندا ءتۇرلى لاۋازىمداردا جۇمىس ىستەدى.
2005-2006 جىلدارى وبلىستىق ەكونوميكا جانە بيۋدجەتتىك جوسپارلاۋ دەپارتامەنتى ديرەكتورىنىڭ ورىنباسارى, 2006-2008 جىلدارى ديرەكتورى, 2008-2010 جىلدارى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باستىعى بولدى. ال 2010 جىلدىڭ ماۋسىمىنان وسى تاعايىنداۋعا دەيىن وبلىس اكىمىنىڭ ورىنباسارى لاۋازىمىن اتقاردى.
«قۇرمەت» وردەنىمەن, بىرنەشە مەرەيتويلىق مەدالمەن ماراپاتتالعان.