ەسكى اپاتتىق عيمارات 2019 جىلى بۇزىلعان. ول شامامەن 85 جىل تۇردى. ءبىلىم بولىمىندە جاقىن ارادا 31-ءشى مەكتەپتىڭ قۇرىلىسى باستالاتىنىن اتاپ ءوتتى, دەپ حابارلايدى Egemen.kz بقو اكىمىنىڭ ءباسپاسوز قىزمەتىنە سىلتەمە جاساپ.
33-ءشى مەكتەپ 1935 جىلى سالىنعان. ونىڭ فۋندامەنتى كىرپىشتەن جاسالعان ۋاقىت وتە كەلە وتىرعان. بۇل عيماراتتا ساباقتار 2019 جىلدان بەرى وتكىزىلمەدى. 400-دەن استام وقۋشى №2 ورتا مەكتەپتە وقيدى. ءبىلىم بولىمىندە ورالداعى اپاتتى جاعدايداعى ەكى مەكتەپ بۇزىلعاندىعىن اتاپ ءوتتى.
«300 ورىندىق 33-ءشى مەكتەپ 2021 جىلى سالىنادى. 31-ءشى مەكتەپ مەملەكەتتىك-جەكەمەنشىك ارىپتەستىك قاعيداتى بويىنشا سالىنۋدا. ول 2022 جىلى اياقتالادى», دەدى ءبىلىم ءبولىمىنىڭ باسشىسى اقجارقىن تەمىرحانوۆا.
قازىر بۇزىلعان مەكتەپ ورنىندا قۇرىلىس قىزۋ ءجۇرىپ جاتىر. جوبانىڭ جالپى قۇنى-1 ملرد تەڭگەدەن استام. نىسان جوسپار بويىنشا 2021 جىلدىڭ سوڭىنا دەيىن پايدالانۋعا بەرىلۋى ءتيىس. بىراق قۇرىلىسشىلار ولار ەرتەرەك اياقتالادى دەپ سەندىرەدى.
-قۇرىلىس جۇرگىزىلۋدە. قازىرگى ۋاقىتتا جۇمىستاردىڭ 70% اياقتالدى. 50 ادام جۇمىلدىرىلدى. قىركۇيەك ايىندا بالالار جاڭا مەكتەپكە بارادى, - دەدى ۋچاسكە شەبەرى ەلەۋسىن سەراليەۆ.