اتىراۋ وبلىسىندا ءۇش كۇندە 408 مۇعالىم كوروناۆيرۋسقا قارسى ۆاكتسينا سالدىردى.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, ءبىلىم سالاسىنىڭ قىزمەتكەرلەرى اراسىندا ەكپەگە قاتىستى تۇسىندىرۋ جۇرگىزىلىپ جاتىر. سونىڭ ءبىرى اتىراۋ ەنەرگەتيكا جانە قۇرىلىس كوللەدجىندە ء وتتى. وندا وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باس مامانى ءلاززات جايلاۋوۆا, دەنساۋلىق ساقتاۋ باسقارماسىنىڭ ءبولىم باسشىسى نينا وسپانوۆا, №5 قالالىق ەمحانانىڭ ءبولىم مەڭگەرۋشىسى نۇرباقىت قۇپجانوۆ, وبلىستىق بىلىم باسقارماسىنىڭ باس مامانى گاۋحار تاكۋزوۆا ۆاكتسينا الۋدىڭ ماڭىزىن اڭگىمەلەدى. مۇعالىمدەر تاراپىنان قويىلعان ساۋالدارعا جاۋاپ بەردى.
«اتىراۋ وبلىسىندا 9 ناۋرىزدان باستاپ مۇعالىمدەرگە كوروناۆيرۋس ينفەكتسياسىنا قارسى ۆاكتسيناتسيا سالۋ باستالدى. سوڭعى 3 كۇندە 605 اتىراۋلىق ۆاكتسينا الدى. ونىڭ ىشىندە 408 پەداگوگ, 183 مەديتسينا قىزمەتكەرى, 14 مەملەكەتتىك قىزمەتشى بار», دەپ حابارلادى باسقارمانىڭ ءباسپاسوز قىزمەتى.