وتكەن جىلى وتاندىق اۋە كومپانيالار قانشا جولاۋشىعا قىزمەت كورسەتتى

قر يدم ازاماتتىق اۆياتسيا كوميتەتى ءباسپاسوز قىزمەتىنىڭ مالىمەتىنشە, قازىر اپتاسىنا 590 رەيس 45 باعىت بويىنشا ىشكى اۋەرەيستەر تولىعىمەن جاڭارتىلدى.

«حالىقارالىق باعىتتار بويىنشا 14 ەلگە (تۇركيا, كورەيا, ءباا, بەلارۋس, ۋكراينا, گەرمانيا, وزبەكستان, قىرعىزستان, مىسىر, رەسەي, گرۋزيا, تاجىكستان, مالديۆ, شري-لانكا)  35 باعىت بويىنشا اپتاسىنا 103 رەيس كەزەڭ-كەزەڭىمەن جاڭارتىلدى», دەلىنگەن ۆەدومستۆونىڭ حابارلاماسىندا.

بۇعان دەيىن حالىقارالىق اۋە كولىگى قاۋىمداستىعىنىڭ (IATA) 2021 جىلدىڭ قاڭتارىندا حالىقارالىق جولاۋشىلار تاسىمالىنا سۇرانىس 2019 جىلدىڭ قاڭتارىمەن سالىستىرعاندا 85,6 پايىز تومەندەگەنىن حابارلاعان ەدى. بۇل 2020 جىلدىڭ سوڭعى ايىمەن سالىستىرعاندا 0,3 پايىزعا كوپ.

«بيىلعى ماۋسىم 2020 جىلدىڭ اياعىنداعى جاعدايمەن سالىستىرعاندا ناشار باستالدى. شەكتەۋلەردىڭ قانشا ۋاقىتقا سوزىلاتىنى بەلگىسىز بولۋى الداعى ساپارلارعا اسەر ەتەدى. مىسالى, وسى جىلدىڭ اقپانىندا سولتۇستىك جارتى شارداعى جازعى تۋريستىك ماۋسىمعا الدىن-الا تاپسىرىس 2019 جىلدىڭ اقپان ايىنداعى دەڭگەيدەن 78 پايىز تومەن بولدى», دەدى IATA باس ديرەكتورى الەكساندر دە دجۋنياك.