رەسەيلىك بانك قازاقستاننىڭ ۆاليۋتا نارىعىنا كەلدى

«رايفايزەنبانك»  بيرجانىڭ ىشكى قۇجاتتارىنا سايكەس KASE ۆاليۋتا نارىعىندا اينالىسقا جىبەرىلگەن تۋىندى قارجى قۇرالدارىمەن قوسا, شەتەل ۆاليۋتالارىنداعى بيرجالىق ساۋدا-ساتتىققا قاتىسۋ قۇقىعىن الدى.

ء«بىز رەسەيلىك «رايفايزەنبانكتىڭ»  ۆاليۋتا نارىعىنىڭ مۇشەلەرى كلۋبىنا كىرۋىن قۇپتايمىز. بيرجا شەتەلدىك قارجى ۇيىمدارىن جەرگىلىكتى ۆاليۋتا مەن قور نارىعىنا تارتۋعا مۇددەلى. قور نارىعىندا  جاڭا ويىنشىنىڭ پايدا بولۋى ۆاليۋتا نارىعىنىڭ وتىمدىلىگىن ارتتىرۋعا وڭ اسەرىن تيگىزەدى جانە حالىقارالىق قاتىسۋشىلاردىڭ قازاقستاننىڭ قور نارىعىنا ينۆەستيتسيالارىن جەڭىلدەتەدى», دەدى KASE باسقارما توراعاسىنىڭ ورىنباسارى ناتاليا حوروشەۆسكايا. 

«رايفايزەنبانكتەگى» ينستيتۋتسيونالدى ينۆەستورلارعا كاپيتال نارىعىن ساتۋ ءبولىمىنىڭ باستىعى انتون كەنيايكين جالپى نارىقتا دا, بانك كليەنتتەرى اراسىندا دا تەڭگەنىڭ ساۋدا-ساتتىعىنا قىزىعۋشىلىقتىڭ ارتۋىنىڭ تۇراقتى تەندەنتسياسىن اتاپ ءوتتى. «KASE-گە ۆاليۋتا ساناتىنا مۇشە بولۋ - بۇل «رايفايزەنبانك» ء ۇشىن ۇلكەن وقيعا جانە قازاقستانداعى بيزنەستى ودان ءارى دامىتۋ ءۇشىن ماڭىزدى قادام. ءبىز KASE وكىلدەرىنە وسى مۇشەلىكتى الۋعا كورسەتكەن كومەگى مەن قولداۋى ءۇشىن ريزاشىلىعىمىزدى بىلدىرەمىز جانە ءبىزدىڭ ىنتىماقتاستىقتى باستاۋعا قۋانىشتىمىز», دەدى  انتون كەنيايكين.