قازاقستاننىڭ ءبىرىنشى, الەمنىڭ 44-راكەتكاسى الەكساندر بۋبليك دوحا اتر 250 ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 201-ورىندا تۇرعان, نەگىزگى جارىسقا ىرىكتەۋ سايىستارىنان كەيىن قوسىلعان ۇندىستاندىق رامكۋمار راماناتانمەن كەزدەستى. ءبىرىنشى پارتيادا ا.بۋبليك 6:4 ەسەبىمەن باسىم ءتۇستى. ەكىنشى سەتتە ەسەپ 1:1 بولعان مەزەتتە تاعى دا برەيك جاساي ءبىلدى. تاعى ءبىر برەيك – 5:2. سودان كەيىن ماتچقا دوپ بەرگەندە, ەش قينالعان جوق – 6:2. باسەكە 1 ساعات 13 مينۋتقا سوزىلدى. ا.بۋبليك ەكىنشى اينالىمدا الەمنىڭ 14-ءىنشى, وسى دودانىڭ 5-راكەتكاسى, يسپانيالىق روبەرتو باۋتيستا-اگۋت نەمەسە رەيتينگتە 39-ساتىداعى امەريكالىق رەيللي وپەلكانىڭ بىرەۋىمەن شەبەرلىك بايقاسادى.