ريددەر قالاسى تۇرعىنىنىڭ پاتەرىنەن 205 دانا پاترون تابىلدى, دەپ حابارلايدى Egemen.kz Polisia.kz سايتىنا سىلتەمە جاساپ.
18 اقپاندا ريددەر قالاسى پوليتسيا ءبولىمىنىڭ قىزمەتكەرلەرى 51 جاستاعى جەرگىلىكتى تۇرعىننىڭ پاتەرىنەن 205 دانا پاترون تاۋىپ, تاركىلەدى, الىنعان وق-ءدارىنىڭ 199 داناسى ماماننىڭ قورىتىندىسى بويىنشا 5,6 مم كاليبرلى ويىق قارۋدىڭ پاتروندارى, قالعان 6 داناسى 16 كاليبرلى تەگىس ۇڭعىلى قارۋدىڭ وعى بولىپ شىقتى.
ولاردىڭ بارلىعى اتىسقا جارامدى. تابىلعان 5,6 مم كاليبرلى 199 پاترون زاۋىتتىق تاسىلمەن دايىندالعان, ال 16 كاليبرلى 6 پاترون قولدان جاسالعان. ۇستالعان ەر ادامنىڭ ازاماتتىق قارۋدىڭ يەسى ەمەس ەكەنى انىقتالدى.