اقتوبە وبلىسى​ ءبىلىم باسقارماسىنىڭ باسشىسى تاعايىندالدى

جولداس باتىرحان اقتوبە پەداگوگيكالىق ينستيتۋتىن, قازاق-ورىس حالىقارالىق ۋنيۆەرسيتەتىن تامامداعان.​   ەڭبەك جولىن 1998 جىلى تەمىر اۋدانى سارىتوعاي ورتا مەكتەبىندە​ باستادى.   ءار ءتۇرلى جىلدارى تەمىر اۋدانى​ №6 شۇبارقۇدىق نەگىزگى مەكتەبىنىڭ​ ديرەكتورى, تەمىر اۋدانى تاسقوپا اۋىلدىق وكرۋگىنىڭ اكىمى,​ تەمىر اۋدانى شۇبارشي اۋىلدىق وكرۋگىنىڭ اكىمى, تەمىر اۋداندىق ءبىلىم ءبولىمىنىڭ باسشىسى, تەمىر اۋدانى اكىمى اپپاراتىنىڭ ينسپەكتورى بولىپ قىزمەت ەتتى.   سونىمەن قاتار, تەمىر اۋدانى اكىمىنىڭ ورىنباسارى, اقتوبە وبلىسى ءدىن ىستەرى باسقارماسىنىڭ باسشىسى لاۋازىمدارىن اتقاردى.   اتالعان قىزمەتكە تاعايىندالار الدىندا تەمىر اۋدانىنىڭ اكىمى بولدى.