ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ شارىن شاتقالىنداعى فوتوتۇزاققا تۇسكەن سىلەۋسىننىڭ ۆيدەوسىمەن ءبولىستى, دەپ حابارلايدى Egemen.kz
«سىزدەرمەن جاقىندا «شارىن» شاتقالىندا قىزىل كىتاپقا ەنگەن تۇركىستان سىلەۋسىنى ءتۇسىپ قالعان فوتوقاقپانداعى ۆيدەومەن ءبولىسىپ وتىرمىن. بۇل كادرلاردان ەل تابيعاتىنىڭ بار سۇلۋلىعىن كورۋگە بولادى. وسى بىرەگەيلىكتى بىرگە ساقتاۋىمىز كەرەك», دەدى مينستر.
بۇدان بولەك, ەكولوگيا ءمينيسترى بۇگىن دۇنيەجۇزىلىك جابايى تابيعات كۇنى ەكەنىن اتاپ ءوتتى.
«بۇگىن دۇنيەجۇزىلىك جابايى تابيعات كۇنى. بۇل كۇن بۇكىل الەمگە تابيعاتتى وسى ءالۋانتۇرلى كۇيىندە قورعاۋدىڭ ماڭىزدىلىعىن ەسكە سالۋعا ارنالعان. ءبىزدىڭ ەلىمىز فلورا مەن فاۋناعا باي. قازاقستاندا وسىمدىكتەردىڭ 6000-نان استام, ال ومىرتقالى جانۋارلاردىڭ 835 ءتۇرى بار...», دەدى مينيستر.