پەتروپاۆل قالاسىنىڭ شەتىندەگى دۇكەندەردىڭ بىرىندە جۋىردا ساتۋشىنى پىشاقپەن قورقىتىپ, اقشا تالاپ ەتكەن قاراقشى ۇستالدى. ول 30 مىڭ تەڭگەدەي اقشا الىپ كەتكەن. قالالىق پب ءبىرىنشى پوليتسيا ءبولىمىنىڭ قىزمەتكەرلەرى جەدەل-پروفيلاكتيكالىق ءىس-شارا وتكىزۋگە كىرىستى.
ساۋدا نۇكتەسى بەينەباقىلاۋمەن جابدىقتالماعان. الايدا كريمينالدىق پوليتسيا قىزمەتكەرى وقيعا ورنىندا جۇمىس جۇرگىزىپ, جابىرلەنۋشىنىڭ سيپاتتاۋىنان بۇرىن بىرنەشە رەت سوتتالعان 31 جاستاعى قالا تۇرعىنىنان كۇدىكتەنگەن. تەكسەرىس بارىسىندا كۇدىك راسقا اينالعان. كۇدىكتىنىڭ ۇيىنەن ايەلگە كەزەنگەن پىشاق تابىلادى. اتالعان فاكتى قىلمىستىق كودەكستىڭ «قاراقشىلىق» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. قازىرگى ۋاقىتتا كۇدىكتى قاماۋعا الىندى.
ءبىرىنشى پب باستىعىنىڭ ورىنباسارى, پوليتسيا مايورى تالعات سماعۇلوۆ بارلىق ساۋدا نۇكتەلەرىنە بەينەكامەرالارمەن جابدىقتالۋدىڭ ماڭىزدى ەكەنىن ەسكەرتۋدەمىز, دەيدى.