زەرەندى اۋداندىق ءورت ءسوندىرۋ پۋلتىنە الەكسەەۆكا اۋىلىندا تۇرعىن ءۇيدىڭ جانىپ جاتقانى تۋرالى سۋىت حابار ءتۇن ورتاسى اۋا تۇسكەن. ىلە وقىس وقيعا ورىن العان جەرگە اۋداننىڭ جانە كوكشەتاۋ قالاسىنىڭ ءورت ءسوندىرۋ جاساقتارى جەدەل اتتاندى, دەپ حابارلايدى Egemen.kz.
ءورتتى ءسوندىرۋ بارىسىندا وقيعا ورىن العان جەردەن ەكى ادامنىڭ ءمايىتى تابىلدى. كۋاگەرلەردىڭ ايتۋىنا قاراعاندا, ءورت شىقپاي تۇرىپ وتاعاسى ەكى بالامەن ۇيىندە بولعان. قىزىل جالىننىڭ ءتىلى سۋماڭداي باستاعاندا ءۇي يەسى ءبىر بالانى الىپ شىعىپ ۇلگەرگەن. ەكىنشى بالانى قالىڭ ءتۇتىننىڭ ىشىنەن تاۋىپ العانىمەن, شىعىپ ۇلگەرە الماعان. ءورت سوندىرۋشىلەر تاڭ الدىندا ءورتتى تولىق ءسوندىردى. قازىرگى ۋاقىتتا وقىس وقيعانىڭ سەبەپتەرى انىقتالۋ ۇستىندە. سوت مەديتسينالىق جانە ءورت تەحنيكالىق ساراپتامالارى تاعايىندالدى.
قىس بويى ءدال وسىنداي ادام جانىن تۇرشىكتىرەر وقىس وقيعالار ورىن الىپ جاتىر. توتەنشە جاعدايلار دەپارتامەنتى ماماندارىنىڭ ايتۋىنا قاراعاندا, نەگىزگى سەبەپ پەشتى دۇرىس پايدالانباۋ. سالعىرتتىق ءتۇبى وكىنىش. اباي بولساق, امان بولاتىنىمىزدى ۇمىتپايىقشى.