مەملەكەت باسشىسى نۇرسۇلتان نازارباەۆ ەلوردالىق جاڭا جىلدىق كەشكە قاتىستى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ ەلوردالىق جاڭا جىلدىق كەشكە قاتىستى, دەپ حابارلادى پرەزيدەنتتىڭ ءباسپاسوز قىزمەتى.
ءىس-شارا «كورمە» كورمە كەشەنىندە ءوتتى. كەش اياسىندا جينالعان قاراجات قايىرىمدىلىق ماقساتقا باعىتتالاتىن بولادى.
ءوز سوزىندە مەملەكەت باسشىسى بارشانى الدا كەلە جاتقان جاڭا جىلمەن قۇتتىقتاپ, بۇل مەرەكەنىڭ قازاقستاندىقتار ءۇشىن ءاردايىم قۋانىشتى وقيعا بولىپ سانالاتىنىن اتاپ ءوتتى. بيىل حالقىمىزدىڭ ەڭبەكسۇيگىشتىگى مەن بىرلىگىنىڭ ارقاسىندا كۇللى الەم الدىندا ەلىمىزدىڭ بەدەلى ءوسىپ, وعان دەگەن قۇرمەت ارتا ءتۇستى.
– قازاقستان ەكونوميكاسىنىڭ ءوسىمى الەم ەلدەرى اراسىندا ەڭ جوعارىلاردىڭ ءبىرى بولدى, سونىڭ ەسەبىنەن ازاماتتارىمىزدىڭ ءال-اۋقاتى ارتتى. بيىلعى جىلى اۋقىمدى ىستەر, سونىڭ ىشىندە «قازاقستان-2050» ستراتەگياسىن ىسكە اسىرۋ جونىندە كوپ جۇمىس اتقارىلدى, وندا ءبىز الەمنىڭ ەڭ دامىعان 30 ەلىنىڭ قاتارىنا ەنۋدى ماقسات ەتىپ قويدىق. ءبىز وعان جەتەمىز دەپ سەنەمىن. ءوتىپ بارا جاتقان جىلعا زور العىسىمىزدى ايتامىز, – دەدى قازاقستان پرەزيدەنتى.
سوڭىندا نۇرسۇلتان نازارباەۆ بارشاعا باقىت, يگىلىك پەن تابىس تىلەدى.