ءىىم ۋچاسكەلىك پۋنكتتەر مەن ستاتسيونارلىق پوليتسيا بەكەتتەرى جەلىسىن كوبەيتىپ جاتىر, دەپ حابارلايدى Egemen.kz Polisia.kz سايتىنا سىلتەمە جاساپ.
ىشكى ىستەر ءمينيسترى ەرلان تۇرعىمباەۆ اقتوبە وبلىسىنا جۇمىس ساپارى اياسىندا پوليتسيا دەپارتامەنتىنىڭ بىرقاتار نىسانىن ارالادى. ولاردىڭ قاتارىندا اقتوبە قالاسىنىڭ ەڭ جاندانعان ورىندارىنىڭ ءبىرى – ورتالىق داڭعىلداعى سپورت سارايى اۋدانىندا ورنالاسقان مودۋلدىك ستاتسيونارلىق بەكەت بار. وندا پوليتسەيلەردىڭ قىزمەت اتقارۋىنا جانە ازاماتتاردى تاۋلىك بويى قابىلداۋعا قاجەتتى بارلىق جاعدايلار جاسالعان.
مينيستر حالىقتىڭ قاۋىپسىزدىگى مەن تىنىشتىعىن قامتاماسىز ەتۋ ءۇشىن جەرگىلىكتى اتقارۋشى ورگانداردىڭ پوليتسيانى قولداۋىن جوعارى باعالادى.
دامىعان ەلدەردىڭ تاجىريبەسى بويىنشا قازىرگى زامانعى ستاتسيونارلىق پوليتسيا بەكەتتەرى نەعۇرلىم كريمينوگەندى ۋچاسكەلەردە ورناتىلۋدا. اقتوبەدە وسىنداي بەس بەكەت بار.
– ەل پرەزيدەنتى قاسىم-جومارت كەمەل ۇلى توقاەۆ تاپسىرعانداي, سەرۆيستىك مودەلدىڭ نەگىزگى ەلەمەنتى “جۇرقا جاقىن پوليتسيا” بولۋى ءتيىس. وسى قاعيداتتى ءىس جۇزىندە ىسكە اسىرا وتىرىپ, ءبىز قوعامدىق ورىنداردا قۇقىق ءتارتىبى ورگاندارىنىڭ تۇراقتى بولۋىنا قول جەتكىزەمىز. ازاماتتار وزدەرىن قاۋىپسىز سەزىنىپ, پوليتسياعا جۇگىنۋ كەزىندە ەشقانداي پروبلەما بولماۋى كەرەك. بۇگىننىڭ وزىندە ءبىز ناتيجەلەردى كورىپ وتىرمىز – ستاتسيونارلىق بەكەتتەر ورناتىلعان جەرلەردە قۇقىق بۇزۋشىلىقتار سانى ايتارلىقتاي ازايدى, – دەپ اتاپ ءوتتى ۆەدومستۆو باسشىسى.