قازاقستاندىق بانكتەر باسەكەلەستىكككە بەيىمدەلە باستادى

مىسالى قازاقستانداعى ەڭ ءىرى قارجى حولدينگى - Halyk Bank Group-تىڭ ساقتاندىرۋ جانە دەلدالدىق, ليزينگ جانە قولما-قول اقشا جيناۋ سالاسىندا ءبىراز تاجىريبە جيناقتاپ قالدى. ءتىپتى ونىڭ ساقتاندىرۋ, بروكەرلىك سالاسىنداعى ەنشىلەس كومپانيالارىنىڭ ىشكى نارىقتاعى بەلدى ويىنشىلاردىڭ قاتارىنا قوسىلدى. 

تاۋەلسىز ساراپشى ازامات كەرىمباەۆتىڭ ايتۋىنشا, ساقتاندىرۋ كونگلومەراتتارى 2020 جىلدىڭ توعىز ايىندا سىياقىنىڭ 86% جينادى. العاشقى ۇشتىكتە - حالىق بانكىنىڭ ساقتاندىرۋ توبى - 27,6%, ەۋرازيا توبى - 23,4%, Nomad توبى - 15,9%. قالعان 28 ساقتاندىرۋشى كومپانيا   قالعان 11-ءى نارىقتىڭ تەك 14% -ىن يەلەندى.

بانكتەرىمىزدىڭ باسەكەلەستىككە بەيىمدەلە باستاعانىن ساراپشىلاردىڭ ءبارى ايتىپ جاتىر. الەمدىك  ترەند ءداستۇرلى بانكتەردىڭ فينتەح جانە تەحنولوگيالىق كومپانيالارمەن ينتەگراتسيالانۋىن قالايدى.

قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا  ابىلقاسىموۆا وتكەن جىلدىڭ قاراشا ايىندا بانكتەردىڭ جاڭا قارجىلىق قىزمەتتەردىڭ كەڭەيتىلگەن سپەكترىن, ونىڭ ىشىندە ينۆەستيتسيالىق جانە تسيفرلىق بانكتىك قىزمەتتەردى ۇسىناتىن كوپفۋنكتسيونالدى قارجى ينستيتۋتتارىنا اينالۋى ءۇشىن جاعدايلار جاسالاتىنىن, ەكىنشى دەڭگەيلى بانكتەردىڭ  بروكەرلىك قىزمەت كورسەتۋ ارقىلى قور نارىعىنا تولىققاندى ەنۋگە مۇمكىندىك تۋعىزاتىنىن ايتقان.

ساراپشىلار بانكتەردىڭ قۇرىلىمدىق جاعىنان وزگەرۋى ونىڭ رەيتينگىنە قالاي جاۋاپ بەرەدى دەگەن سۇراققا جاۋاپ بەرۋگە اسىعار ەمەس. ساراپشى س. يساكوۆتىڭ  سوزىمەن ايتساق,  ولاردىڭ وزگەرىستەرگە بەيمىدەلۋى, باعىت-باعدارىن نىعايتا وتىرىپ, ستراتەگياسىن ءارتاراپتاندىرۋى ۇزاققا    سوزىلاتىن پروتسەسس. سوندىقتان بانكتەردىڭ الداعى بىرەر جىلدا رەيتينگيسىن جوعارىلاتۋى نەمەسە تومەندەتۋى قالىپتى جاعدايعا اينالادى ەكەن. ترانسفورماتسيانىڭ مۇنداي تۇرىنە جاقسى اسەر ەتەتىن فاكتور – ولاردىڭ تۇراقتىلىعىن بەكەمدەۋىنە  جانە تابىسىن ءارتاراپتاندىرۋى. 

سونداي-اق, يساكوۆ  قازاقستاندىق ەدب-ءنىڭ  اقش  بانكتەرى سياقتى تولىققاندى ينۆەستيتسيالىق بانكتەرگە اۋىسۋىن كۇتپەيتىنىن ايتتى. تولىققاندى ينۆەستيتسيالىق بانك مودەلىنىڭ ءساتتى جۇمىس ىستەۋى ءۇشىن, ەڭ الدىمەن, وتە دامىعان قور نارىعى, مىقتى ۆاليۋتا جانە مىقتى ينستيتۋتتارى بار سالىستىرمالى تۇردە ارتاراپتاندىرىلعان جانە تۇراقتى ەكونوميكا بولۋى قاجەت. قازاقستان وسى جولدى تاڭداپ العانمەن, سوڭعى ناتيجە تۋرالى  ايتۋ ءالى ەرتە كورىنەدى.  

سونىمەن قاتار, شەتەل ۆاليۋتاسىنداعى دەپوزيتتەر بويىنشا تومەن مولشەرلەمەلەر ينۆەستيتسيالىق ونىمگە دەگەن سۇرانىستى ارتتىرادى, بۇل «وسى نارىقتىڭ وسۋىنە اكەلىپ سوعادى جانە مامانداندىرىلعان تاۋاشالار ءۇشىن, ەڭ الدىمەن بروكەرلىك كومپانيالار ءۇشىن تابىستى جۇمىس ىستەۋگە تاماشا مۇمكىندىك بەرەدى.

– جاقىندا جاريالانعان Freedom Holding ينۆەستيتسيالىق كومپانياسىنىڭ Kassa Nova ساتىپ الۋى وسى تەندەنتسيانىڭ جاقسى كورسەتكىشى بولىپ تابىلادى, - دەدى يساكوۆ.

قازاقستان نارىعىندا ءىرى ينۆەستيتسيالىق بانكتەر پايدا بولادى  دەپ ۇمىتتەنۋ ءالى ەرتە. كەيبىر ينۆەستيتسيالىق, قارجىلىق جانە بروكەرلىك كومپانيالاردىڭ سانى ارتىپ كەلەدى جانە ولار جاقىن بولاشاقتا كوممەرتسيالىق بانكتەرمەن باسەكەلەس بولۋى مۇمكىن. بىراق كوممەرتسيالىق جانە ينۆەستيتسيالىق بانكتىڭ دامۋى ەۆوليۋتسيالىق پروتسەسس, ول ءبىرىنشى كەزەكتە نارىق قاجەتتىلىكتەرىمەن انىقتالادى

شاماسى, باسەكەگە قابىلەتتى نارىق مودەلىن ءوزىنىڭ بارلىق قاتىسۋشىلارى - ءداستۇرلى قارجى ينستيتۋتتارى مەن فينتەك-كومپانيالارىنىڭ باسەكەلەستىگىمەن جانە ىنتىماقتاستىعىمەن, بانك سالاسىنداعى مەگا-جۇلدىز بانكتەردىڭ پايدا بوۋلىنا بايلانىستى.

بانكتەر تەحنولوگيا الەمىنە كوشكەن سايىن مودەل تۇزەتىلىپ, ەكوجۇيەلىك باسەكەلەستىككە باعىتتالۋى مۇمكىن.