ماڭعىستاۋ اۋدانى شەتپە اۋىلىنداعى سەرىكبول قوندىباي مەموريالدىق مۋزەيىندە عالىمنىڭ ەڭبەكتەرى جەلىسى بويىنشا ەكى بىردەي كىتاپتىڭ تۇساۋكەسەرى ءوتتى. ولار - 2019 جىلى نۇر-سۇلتان قالاسىندا وتكەن «سەرىكبول قوندىباي مۇرالارىنداعى ارعىقازاق ميفولوگياسى مەن ۇلى دالا وركەنيەتى» جانە «سەرىكبول قوندىباي زەرتتەۋلەرىنىڭ عىلىمي-تانىمدىق تۇجىرىمداماسى». شاراعا كىتاپ اۆتورلارى, سەرىكبولتانۋشىلار مەن ولكەتانۋشىلار قاتىستى.
ايتا كەتەيىك, سەرىكبول قوندىباي - گەوگراف, ولكەتانۋشى, تاريحشى جانە تۇڭعىش ميفولوگ. «ماڭعىستاۋ گەوگرافياسى», «گيپەربورەيا ءتۇس كورگەن زامان شەجىرەسى», «ەسەن قازاق», «قازاق دالاسى جانە گەرمان تاڭىرلەرى», «ارعىقازاق ميفولوگياسى» اتتى ەڭبەكتەردىڭ اۆتورى. ول - قازاقستاندا ميفتىك لينگۆيستيكالىق مەكتەپتىڭ نەگىزىن سالۋشىلاردىڭ ءبىرى. ول وسى جولدا ميفتىك دەرەكتەر مەن ميفولوگيالىق نىشان-سيمۆولداردى جۇيەلەۋدىڭ ادىستەمەسىن جانە ءادىسناماسىن قالىپتاستىردى. جارىق كورگەن كىتاپتار عىلىمي كوپشىلىككە, وقىرمان قاۋىمعا جانە ماگيسترانتتارعا ارنالعان وقۋلىق بولماق.