نوسەر جاۋىن كەزىندەگى سۋ تاسقىنى سالدارىنان يندونەزيا استاناسىنىڭ 1 300 تۇرعىنى ءۇيىن تاستاپ كەتتى. بىرنەشە وزەن دەڭگەيى كوتەرىلىپ, كوپتەگەن كۆارتالدى سۋ باستى. دجاكارتانىڭ بىرنەشە اۋدانىندا كوتەرىلگەن سۋ دەڭگەيى ەكى مەتردەن استى.
مۋسسون ماۋسىمىنىڭ جاڭبىرى بىرنەشە كۇن تولاسسىز جاۋعان. تابيعات اپاتىنا قاراماستان, ەۆاكۋاتسيا جۇيەلى ۇيىمداستىرىلعان. ازىرگە زارداپ شەككەندەرگە قاتىستى مالىمەت جوق. كوپ ۇزاماي سۋ دەڭگەيى بىرتىندەپ تومەندەي باستادى.
جالپى, ياۆا ارالىندا لاي كوشكىنى ءجۇرىپ, ءبىر اۋىلدىڭ 18 ادامى قايتىس بولدى. سۋ باسىپ قالعان جول كومەك بەرۋگە كەدەرگى كەلتىرىپ وتىر. سينوپتيكتەر كەلەسى اپتادا مۋسسون جاڭبىرى قايتا جاۋادى دەپ ەسكەرتتى.
«بوساڭسۋعا ءالى ەرتە. دجاكارتا مەن وعان جاقىن ايماقتاردى الداعى ۋاقىتتا قالىڭ نوسەر كۇتىپ تۇر. جاڭبىرلى ماۋسىم اقپاننىڭ اياعى مەن ناۋرىزدىڭ باسىنا دەيىن سوزىلۋى مۇمكىن», دەيدى يندونەزيا مەتەورولوگيا اگەنتتىگىنىڭ باسشىسى.