تۇركىستان وبلىسىندا پوليتسەيلەر ەر ادامنىڭ كولىگىنەن ءبىر كەلىگە جۋىق ماريحۋانا تاركىلەدى, – دەپ حابارلايدى Egemen.kz Polisia.kz سايتىنا سىلتەمە جاساپ.
تۇلكىباس اپب كەزەكشى بولىمىنە جەرگىلىكتى تۇرعىننىڭ ەسىرتكىنى ۇلكەن مولشەردە ساقتايتىنى تۋرالى حابارلاما كەلىپ ءتۇستى. اتالعان جايتتى پوليتسيا قىزمەتكەرلەرى قر قك-ءنىڭ 296-بابى (ەسىرتكى, پسيحوتروپتىق زاتتارمەن, ولاردىڭ انالوگتارىمەن وتكىزۋ ماقساتىنسىز زاڭسىز جۇمىس ىستەۋ) بويىنشا سدتبت-عا تىركەدى. جەدەل-ىزدەستىرۋ ءىس-شارالارى بارىسىندا تۇلكىباس اپب-ءنىڭ پوليتسەيلەرى “نيسسان پرەمەرا” اۆتوكولىگىن توقتاتتى. سودان اۆتوكولىك يەسىن ءتىنتۋ كەزىندە, اۆتوكولىكتىڭ كاپوتىنىڭ ىشىنەن قاپشىققا سالىنعان وزىنە ءتان حوش ءيىستى زات تابىلىپ تاركىلەندى.
ساراپتاماعا سايكەس, تاركىلەنگەن ەسىرتكىنىڭ جالپى سالماعى ءبىر كەلىگە جۋىق ماريحۋانا بولىپ شىقتى. قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە.
كۇدىكتى قولحاتتا. پوليتسەيلەر ءىستىڭ بارلىق ءمان-جايىن جانە ەر ادامنىڭ وزىمەن بىرگە ۇلكەن مولشەردەگى ەسىرتكىنى نە ءۇشىن الىپ جۇرگەنىن انىقتاۋدا. تۇركىستان وبلىسىنىڭ پوليتسەيلەرى ەسىرتكى زاتتارىنىڭ زاڭسىز اينالىمى ءۇشىن, قىلمىستىق جاۋاپكەرشىلىك قاراستىرىلعانىن ەسكە سالادى. ەگەر سىزدە ەسىرتكىنى زاڭسىز ساقتاۋ جانە وتكىزۋ جايتتارى تۋرالى قانداي دا ءبىر اقپارات بولسا, دەرەۋ پوليتسياعا حابارلاسىڭىز.