تۇركىستان وبلىسىنىڭ تۇرعىنى ءجۇز ءبىر جاسىندا جاڭا جەكە كۋالىگىن الدى, – دەپ حابارلايدى Egemen.kz Polisia.kz سايتىنا سىلتەمە جاساپ.
سوزاق اپب-ءنىڭ پوليتسيا قىزمەتكەرلەرى جەرگىلىكتى تۇرعىندارعا, سونىڭ ىشىندە قارتتارعا, ۇوس ارداگەرلەرى مەن مۇمكىندىگى شەكتەۋلى جاندارعا قۇجاتىن جاساپ بەرۋگە, ارى-بەرى ساندالتپاۋعا ۇنەمى كومەك كورسەتىپ وتىرادى.
وسى ماقساتتا سوزاق اپب-ءنىڭ قىزمەتكەرلەرىنەن قۇرىلعان موبيلدىك توپ حالىق اراسىندا سۇراستىرۋ جۇمىستارىن جۇرگىزىپ, جەكە كۋالىگىنىڭ مەرزىمى وتكەن, ءبىر عاسىر جاساعان اجەنى انىقتادى.
سودان كەيىن اق جاۋلىقتى انانى شارشاتپاستان قاجەتتى قۇجاتتارىن جيناقتاپ, فوتو-بەينەگە ءتۇسىردى. وسىلايشا سوزاق اۋدانىنىڭ تۇرعىنى سىرعاكۇل كەرىمبەكوۆاعا جەكە كۋالىگىن قايتا جاساپ بەرۋگە كومەك بەرىلىپ, دايىن قۇجاتى تابىستالدى.
ءوز كەزەگىندە 101 جاسقا كەلگەن كەيۋانانىڭ كۋانىشىندا شەك بولمادى. ول پوليتسيا قىزمەتكەرلەرىنە جانە ولاردى باسقارىپ وتىرعان باسشىلارىنا انالىق العىسىن جاۋدىردى. جۇمىستارىنا تابىس تىلەپ, شىنايى ريزاشىلىعىن ءبىلدىرىپ, اق باتاسىن بەردى.
جالپى, قازاقستان رەسپۋبليكاسى ءىىم-ءنىڭ تاپسىرماسىنا سايكەس تۇركىستان وبلىسى پوليتسيا دەپارتامەنتىندە قۇجاتتانباعان نەمەسە كسرو قۇجاتىمەن قالىپ قويعاندارعا, ەگدە جاستاعى ءجۇرىپ-تۇرۋى قيىن قاريالارعا قۇجات راسىمدەۋ ماقساتىندا كوشى-قون قىزمەتكەرلەرىنەن ارنايى موبيلدىك توپتار قۇرىلىپ, قارقىندى جۇمىس جۇرگىزۋدە. ەڭ باستى ماقسات – حالىققا قولايلى قىزمەت ۇسىنۋ بولىپ تابىلادى.