بۇگىن الماتى قالاسىنىڭ تۇرعىندارى ساياباقتىڭ قاق ورتاسىنا ستۋدەنتتەر ءۇيىن سالۋعا نارازىلىقتارىن ءبىلدىرىپ جاتىر, دەپ حابارلايدى Egemen.kz
«كۇن وتكەن سايىن سەرۋەندەيتىن جەرىمىز قالماي بارادى. ساياباقتىڭ قاق ورتاسىنا جاسىل جەلەكتى قىرقىپ, ورنىنا جاتاقحانا سالعالى جاتىر», دەپ شۋ شىعاردى. ولاردىڭ پىركىنشە, باسقا جەر جەتپەي قالعانداي ساياباققا ستۋدەنتتەر ءۇيىن سالۋ ەش قيسىنعا كەلمەيدى.
جاۋاپتىلار ساياباقتىڭ ورنىنا ستۋدەنتتەر ءۇيىنىڭ بوي كوتەرەتىنىن راستادى. تۇرعىنداردىڭ ايتۋىنشا, ونسىزدا پارك ىشىنە اسكەري كافەدرالارىن كوشىرىپ اكەلگەن اباي اتىنداعى ۇپۋ جاتاقحانا سالسا, سەرۋەندەيتىن جەرىمىز قالمايدى دەپ ۋاجدەرىن ايتتى. وعان قوسا ساياباق قوقىسقا تولىپ كەتپەسىنە كىم كەپىل؟ دەپ سەنىمسىزدىكتەرىن ءبىلدىردى.
بۇگىندە جوعارى وقۋ ورنىنا تيەسىلى مەكەمەنىڭ جوبالىق قۇجاتى دا دايىن ەكەن. وندا 327 ورىنعا ارنالعان 6 قاباتتى جاتاقحانا سالىنباق.
ال ۋنيۆەرسيتەت باسشىلىعىنىڭ ايتۋىنشا, ساياباق مەنشىگى وقۋ ورداسىنا تيەسىلى بولعاندىقتان, جاتاقحانا سالۋ تۋرالى 2018 جىلى شەشىلىپ قويعان. قۇرىلىس بارىسىنا ينۆەستوردا تابىلعان-دى. وقۋ ورنىنىڭ پرورەكتورى عابيت دۋلاتوۆ 1 ناۋرىزدا بۇل ماسەلە تۇرعىندار تالقىسىنا سالىناتىنىن, شەشىمىن تاپپاي جاتقان جاعدايدا اكىمدىكتەن باسقا اۋماق سۇرايتىنىن جەتكىزدى.