بەينەكونفەرەنتسيا رەجيمىندە قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى مەن تۇرىكمەنستان مينيسترلەر كابينەتى توراعاسىنىڭ ورىنباسارى - سىرتقى ىستەر ءمينيسترى راشيد مەرەدوۆ دەڭگەيىندە ءسىم-ارالىق كونسۋلتاتسيالار ءوتتى, دەپ حابارلايدى Egemen.kz.
تاراپتار ەكىجاقتى ىنتىماقتاستىقتىڭ, اتاپ ايتقاندا ساۋدا-ەكونوميكالىق, ترانزيت-كولىكتىك جانە مادەني-گۋمانيتارلىق سالالارداعى وزەكتى ماسەلەلەرىن تالقىلادى. جوعارى جانە اسا جوعارى دەڭگەيدەگى الداعى ءىس-شارالار كەستەسى قاراستىرىلدى.
وڭىرلىك جانە حالىقارالىق ۇيىمدار اياسىنداعى ءوزارا ءىس-قيمىل جونىندە پىكىر الماسىلدى. ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى فورماتىنداعى ديالوگتى دامىتۋعا ەرەكشە نازار اۋدارىلدى.
كەلىسسوزدەر قورىتىندىسى بويىنشا تاراپتار قازاقستان رەسپۋبليكاسىنىڭ سىرتقى ىستەر مينيسترلىگى مەن تۇرىكمەنستان سىرتقى ىستەر مينيسترلىگى اراسىنداعى 2021-2023 جىلدارعا ارنالعان ىنتىماقتاستىق باعدارلاماسىنا قول قويدى.