تۋعان جەرىنىڭ مارتەبەسىن اسقاقتاتىپ, ءوز ولكەسىنىڭ ءوسىپ-وركەندەپ, كوركەيۋىنە ۇلەس قوسىپ جۇرگەن ازاماتتاردىڭ ءبىرى دە ءبىرەگەيى ماعاۋيا اقتورە ۇلى مەرعاليەۆ. ول 1961 جىلى 27 ءشىلدەدە مۇنايشىلار وتباسىندا دۇنيەگە كەلگەن. جىلىوي اۋدانىنىڭ 10 جىلدىق مەكتەبىن ءتامامداپ, وتان الدىنداعى اسكەري بورىشىن ابىرويمەن وتەپ كەلەدى. 1981 جىلى الماتى قالاسىنداعى لەنين اتىنداعى پوليتەحنيكالىق ينستيتۋتىنىڭ دايارلىق كۋرسىنا ءتۇسىپ, 1987 جىلى تاۋ-كەن ينجەنەرى ماماندىعىن الىپ شىقتى. وتباسىندا العان ۇلاعاتتى ءتاربيە مەن ارمانىن ۇشتاستىرىپ ماعاۋيا اقتورە ۇلى ەڭبەك ەتۋ ءۇشىن تۋعان ولكەسىنە ورالادى. ەڭبەك جولىن ۇڭعىمالاردى كۇردەلى جوندەۋ مەكەمەسىندە شەبەر رەتىندە باستاپ, قىزمەتتىك ساتىدا ءبولىم باستىعىنا دەيىن كوتەرىلدى.
تۋعان جەرىنىڭ مارتەبەسىن اسقاقتاتىپ, ءوز ولكەسىنىڭ ءوسىپ-وركەندەپ, كوركەيۋىنە ۇلەس قوسىپ جۇرگەن ازاماتتاردىڭ ءبىرى دە ءبىرەگەيى ماعاۋيا اقتورە ۇلى مەرعاليەۆ. ول 1961 جىلى 27 ءشىلدەدە مۇنايشىلار وتباسىندا دۇنيەگە كەلگەن. جىلىوي اۋدانىنىڭ 10 جىلدىق مەكتەبىن ءتامامداپ, وتان الدىنداعى اسكەري بورىشىن ابىرويمەن وتەپ كەلەدى. 1981 جىلى الماتى قالاسىنداعى لەنين اتىنداعى پوليتەحنيكالىق ينستيتۋتىنىڭ دايارلىق كۋرسىنا ءتۇسىپ, 1987 جىلى تاۋ-كەن ينجەنەرى ماماندىعىن الىپ شىقتى. وتباسىندا العان ۇلاعاتتى ءتاربيە مەن ارمانىن ۇشتاستىرىپ ماعاۋيا اقتورە ۇلى ەڭبەك ەتۋ ءۇشىن تۋعان ولكەسىنە ورالادى. ەڭبەك جولىن ۇڭعىمالاردى كۇردەلى جوندەۋ مەكەمەسىندە شەبەر رەتىندە باستاپ, قىزمەتتىك ساتىدا ءبولىم باستىعىنا دەيىن كوتەرىلدى.بىزگە وسىنداي زاماندا العا ءسۇيرەيتىن, الداعىنى ەرتەرەك ويلايتىن ازاماتتار كەرەك ەدى سول تاڭدا. قىزمەتىن ابىرويمەن اتقارا ءجۇرىپ, «مۇناي سەرۆيس, لتد» مەكەمەسىن اشىپ, 14 جىلدان بەرى جىلىوي وڭىرىندە ۇڭعىمالاردى قازۋ, كۇردەلى ءجوندەۋ جۇمىستارىمەن اينالىسىپ كەلەدى. وسى جىلدار ارالىعىندا كاسىپتىك الەمدە تاسى ورگە دومالاپ, قوسىمشا «نيا دريللينگ», «ترياس دريللينگ», «بامستروي» مەكەمەلەرىن اشتى. بۇگىندە 450-دەي ادامدى جۇمىسپەن قامتاماسىز ەتىپ وتىر. اتالعان كاسىپورىنداردىڭ بارلىعى جىلىوي اۋدانىنىڭ ەكونوميكالىق وسۋىنە ەلەۋلى ۇلەس قوسىپ وتىرعان مەكەمەلەر. ماعاۋيا اقتورە ۇلى ءونىمدى ەڭبەگىن, ورەلى اقىل-ويى مەن قايرات-جىگەرىن تاۋەلسىز ەلىنىڭ گۇلدەنۋىنە, وركەندەۋىنە جۇمساپ ءجۇر. ەلىنىڭ داۋلەتتى دە ساۋلەتتى بولۋىن ءوندىرىس ورىندارىن اشۋىمەن, ەڭبەك كورىگىن قىزدىرۋىمەن دالەلدەدى. بۇگىنگى نارىق زامانى ناردىڭ جۇگىن ارقالار, نامىسىن نايزاعايعا جانىعان, ءىس تەتىگىن ءىلكىمدى الىپ جۇرەر باسشىنى تالاپ ەتەدى. كوڭىلى كورەگەن, كوكىرەك كوزى ساۋلەلى جىگىت قانا دىتتەگەنىنە جەتەدى. ول ءوز بويىنداعى قۋات-كۇشىن ءوندىرىس ونىمدىلىگىن ارتتىرۋعا اياعان ەمەس. سوندىقتان ونىڭ جۇرت الدىندا بەدەلى بيىك, بەرەرى كوپ. ادام بويىنداعى اسىل قاسيەتتەر مىنەزدەن تۋىندايدى. ونىڭ ءتۋابىتتى ۇستامدىلىعى, اقيقات پەن ادىلەتتىلىكتى اسقاق قوياتىندىعى, باۋىرمال جاناشىرلىعى, حالىق مۇددەسىنە قىزمەت ەتۋگە قۇلشىنىسى ابىرويىن اسقاقتاتا ءتۇستى. «اسىل ادام اينىماس», دەپ اباي ايتقانداي, ونىڭ اسىپ-تاسقان, كەۋدە كەرگەن, مەنمەنسىگەن كەزىن كورمەيسىز. ءسوزى مەن ءىسى ءبىر ارنادا توعىسىپ, تولاعاي تابىستارعا قول جەتكىزسە دە مىنەز سۇلۋلىعىنان, مارتتىگىنەن, ادەپتىلىگىنەن اينىعان جوق. وتباسىندا جارىمەن بىرگە ەكى ۇل, ەكى قىزدى تاربيەلەپ وتىر. شاڭىراقتاعى جاراسىمدى تىرلىگىمەن, دوس-جارانعا سىيلاستىعىمەن, بالالارىنا كورسەتكەن ۇلگى-ونەگەسىمەن دە ونىڭ ورنى شوقتىقتانا تۇسەدى. ەردىڭ ەڭبەگىن باعالاۋ, ماڭداي تەردىڭ قادىر-قاسيەتىن سەزىنۋ, سوعان لايىق قۇرمەت كورسەتۋ – باستى ۇستانىمى. وسى ارقىلى ول پاراسات شىڭىنا شىقتى. وسىنداي ازاماتتىڭ ارقاسىندا ءبىر ءوڭىردىڭ حالقى جۇمىسپەن قامتىلىپ, كاسىبىنىڭ ءناسىبىن كورىپ وتىر. تۋعان جەردە تەرىن توككەن ماعاۋيا اقتورە ۇلىنىڭ ەڭبەگى ەلەنىپ «ەرەن ەڭبەگى ءۇشىن» مەدالىمەن ماراپاتتالدى. ماعاۋيا مەرعاليەۆ باسشىلىق ەتىپ وتىرعان مەكەمەمەن ىسكەرلىك قارىم-قاتىناس جاساعانىمىزعا دا ءتورت جىل بولىپتى. وسى ۋاقىت ىشىندە كاسىپكەر رەتىندە سوزىنە بەرىك, ءوز ءىسىنىڭ بىلىكتى مامانى ەكەنىنە كوزىمىز جەتتى. قيىن-قىستاۋ كەزدە اركىمگە قول ۇشىن سوزۋعا دايىن, ادامگەرشىلىگى مول, قايىرىمدى جان. قاي جاعىنان السا دا يناباتقا لايىق يمانجۇزدى تۇلعا. «جاقسىمەنەن وتىرعان جارتى ساعات, ءوتىپ كەتكەن جاماننىڭ ومىرىندەي», دەپ قارا ولەڭدە ايتىلعانداي, قاشاندا ونى كورۋدى, پىكىرلەسۋدى اڭساپ تۇراسىڭ.
قۇرمەتتى ماعاۋيا اقتورە ۇلى! ازاماتتىعىڭىز بەن پاراساتتىلىعىڭىز ىسكەرلىك الەمىندە ءسىزدى تەك جەتىستىكتەرگە جەتەلەپ, تابىستارعا كەنەلتتى. بەينەتتىڭ دە زەينەتى بولادى. ەڭبەگىڭىز مەملەكەت تاراپىنان ەلەنىپ جاتسا – ول قاجىرلى ەڭبەگىڭىزدىڭ قايتارىمى. كاسىپكەرلىك ساباقتاستىعىمىز ۇزىلمەي, ءاردايىم بايلانىستا بولامىز دەگەن سەنىمدەمىز. تۋعان جەرىنىڭ دامۋىنا ۇلەس قوسىپ, حالقىمىزدىڭ تۇرمىستىق احۋالىنىڭ جوعارىلاۋىنا سەبەپشى بولار وزىڭىزدەي ازاماتتار كوبەيە بەرسىن. الار اسۋىڭىز, شىعار شىڭىڭىز بيىكتەي بەرسىن!
ءسىزدى جانە «مۇناي سەرۆيس, لتد» جشس ۇجىمىن كەلە جاتقان جاڭا جىل مەيرامىمەن شىن ءجۇرەكتەن قۇتتىقتايمىز. جاڭا جىلدا دەنساۋلىق, ەڭبەكتە تابىستى بولۋعا تىلەكتەسپىز.
ىزگى تىلەكپەن: «ۋچەتسەرۆيسكاچەستۆو» جشس ۇجىمى.
قۇتتىقتايمىز!
اسا قۇرمەتتى ماعاۋيا اقتورە ۇلى!
ءسىزدى «ەرەن ەڭبەگى ءۇشىن» مەدالىنىڭ يەگەرى بولۋىڭىزبەن جانە جاڭا جىل مەرەكەسىمەن شىن جۇرەكتەن قۇتتىقتايمىز! سىزگە زور دەنساۋلىق, وتباسىڭىزعا اماندىق تىلەي وتىرىپ, قازاق ەلىنىڭ يگىلىگى, باياندى بولاشاعى ءۇشىن ەتكەن ەڭبەكتەرىڭىزگە ۇلكەن تابىستار مەن جەتىستىكتەر تىلەيمىز.
ءسىز بولاشاقتا دا مۇناي بۇرعىلاۋ سالاسىنداعى ابىرويلى ىستەرىڭىزدىڭ جەڭىسى مەن جەمىسىن كورىڭىز! قيىندىعى مەن قىزىعى مول جۇمىسىڭىزدىڭ ىرىسى مەن بەرەكەسىن بەرسىن.
ءسىزدىڭ كەلەشەكتە دە ەگەمەندى ەلىمىزدىڭ جاڭا بەلەستەرىنە جەتۋىڭىزگە, باقىتتى دا باياندى ۇزاق ءومىر سۇرۋىڭىزگە تىلەكتەسپىز!
ىزگى تىلەكپەن: «مۇناي سەرۆيس, لتد» جشس ۇجىمى.