ادەبيەت پەن ونەر سالاسىنداعى 2014 جىلعى قازاقستان رەسپۋبليكاسىنىڭ مەملەكەتتىك سىيلىعىنا ۇمىتكەرلەرگە كونكۋرس جاريالانادى
ادەبيەت پەن ونەر سالاسىنداعى 2014 جىلعى قازاقستان رەسپۋبليكاسىنىڭ مەملەكەتتىك سىيلىعىنا ۇمىتكەرلەرگە كونكۋرس جاريالانادى
ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسياسى 2014 جىلعى مەملەكەتتىك سىيلىققا كونكۋرس جاريالايدى.
ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعى وتاندىق مادەنيەتتى دامىتۋعا ەرەكشە باعالى ۇلەس دەپ تانىلعان ادەبيەت پەن ونەر سالاسىنداعى اسا ۇزدىك شىعارمالارى ءۇشىن بەرىلەدى.
كونكۋرستىق شىعارمالاردى قابىلداۋ 2014 جىلدىڭ 1 اقپانىنا دەيىن جۇرگىزىلەدى.
مەملەكەتتىك سىيلىققا ۇمىتكەر اۆتورلار, ولاردىڭ كونكۋرسقا ۇسىنعان ەڭبەكتەرىنىڭ تىزىمدەرى جانە ۇمىتكەرلەردى ۇسىنىپ وتىرعان ۇيىمداردىڭ اتتارى اشىق جاريالىلىق تۇردە كەڭىنەن تالقىلانۋ ماقساتىندا رەسپۋبليكالىق بۇقارالىق اقپارات قۇرالدارىندا جاريالانادى.
قازاقستان رەسپۋبليكاسى پرەزيدەنتىنىڭ جارلىعىنا سايكەس مەملەكەتتىك سىيلىقتى الۋعا جۇمىستاردى قابىلداۋ اياقتالعانعا دەيىن بەس جىلدان ءارى ەمەس جانە كەمىندە ءبىر جىل بۇرىن كوپشىلىك اينالىم ءۇشىن ورىندالعان ءبىر اۆتوردىڭ نەمەسە اۆتورلار ۇجىمىنىڭ جۇمىستارى قابىلدانادى.
جۇمىس مەملەكەتتىك سىيلىققا ءبىر رەت قانا ۇسىنىلا الادى.
بۇرىن قازاقستان رەسپۋبليكاسى سىيلىقتارىنا يە بولعان جۇمىستار مەملەكەتتىك سىيلىق الۋ كونكۋرسىنا جىبەرىلمەيدى.
قازاقستان رەسپۋبليكاسى مەملەكەتتىك سىيلىعى لاۋرەاتىنىڭ جاڭا جەتىستىكتەرى بولعان رەتتە بۇل سىيلىق وعان قايتادان, بىراق كورسەتىلگەن سىيلىق وسىنىڭ الدىندا بەرىلگەننەن كەم دەگەندە بەس جىلدان كەيىن بەرىلۋى مۇمكىن.
ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىققا ۇسىنىلعان ىزدەنۋشىلەر ۇجىمى 5 ادامنان اسپاۋى ءتيىس.
ءبىر ىزدەنۋشىنىڭ كانديداتۋراسى مەملەكەتتىك سىيلىققا ەكى جانە ودان دا كوپ جۇمىستار بويىنشا ۇسىنىلا المايدى.
ءبىر اۆتور نەمەسە اۆتورلار ۇجىمى مەملەكەتتىك سىيلىققا قاتارىنان ەكى رەت ۇسىنىلا المايدى.
تۇلعا مەملەكەتتىك سىيلىق الۋعا ۇسىنعاننان كەيىن قايتىس بولعان جاعدايدى قوسپاعاندا, مەملەكەتتىك سىيلىق قايتىس بولعاننان كەيىن بەرىلمەيدى.
بۇل جاعدايدا قايتىس بولعان لاۋرەاتتىڭ ديپلومى, توسبەلگىسى مەن اقشالاي سىياقىسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مۇرا بويىنشا بەرىلەدى.
ۇمىتكەرلەردىڭ كانديداتۋرالارىن مەملەكەتتىك ورگانداردىڭ القالارى, شىعارماشىلىق وداقتار مەن ۇجىمدار ۇسىنادى.
2014 جىلعى ادەبيەت پەن ونەر سالاسىنداعى مەملەكەتتىك سىيلىقتى بەرۋ جونىندەگى شەشىم قازاقستان رەسپۋبليكاسىنىڭ تاۋەلسىزدىگى كۇنى قارساڭىندا رەسپۋبليكالىق ءباسپاسوز بەتتەرىندە جاريالانادى.
ۇسىنىلعان ەڭبەكتەردى تىركەۋ ءۇشىن مىنا قۇجاتتار قاجەت:
1. مەملەكەتتىك ورگاننىڭ نەمەسە شىعارماشىلىق وداقتىڭ ۇسىنىسى.
2. جينالىس حاتتاماسى.
3. شىعارماشىلىق مىنەزدەمە.
4. ۇمىتكەردىڭ جەكە ءىس قاعازى.
5. 2 دانا سۋرەتى (3ح4).
6. ۇسىنىلعان ەڭبەكتىڭ 20 داناسى.
7. تۇلعانى راستايتىن قۇجاتتىڭ كوشىرمەسى.
8. شىعارمانىڭ اۆتورى جانە شىعارما جونىندە قىسقاشا ناقتى مالىمەت (مەملەكەتتىك جانە رەسمي (ورىس) تىلدەرىندە).
6-شى پۋنكتكە بايلانىستى تۇسىنىكتەمە. كىتاپتار, نوتالىق جازبالار, بەينەلەۋ ونەرى تۋىندىلارىنىڭ رەپرودۋكتسيالارى, ساۋلەت ونەرىنىڭ سحەما-سىزبالارى, عيماراتتاردىڭ, كەشەندەردىڭ ت.ب. فوتوسۋرەتتەرى, كينوفيلمدەر مەن سپەكتاكلدەردەن بەينەتاسپالار نەمەسە فوتوكورىنىستەر, كونتسەرتتىك قويىلىمدار مەن ورىنداۋشىلىق ونەردىڭ بەينە نەمەسە اۋديوتاسپالارى 20 دانا ەتىپ ۇسىنىلادى.
مەملەكەتتىك سىيلىققا ۇسىنىلاتىن ەڭبەكتەر جانە ءتيىستى قۇجاتتار مىنا مەكەنجايدا قابىلدانادى:
010000, استانا قالاسى, ەسىل وزەنىنىڭ سول جاعالاۋى, ورىنبور كوشەسى, 8, «مينيسترلىكتەر ءۇيى», قازاقستان رەسپۋبليكاسىنىڭ مادەنيەت جانە اقپارات مينيسترلىگى, 15-كىرەبەرىس, 5-قابات, 521-بولمە.
تەل.: 8 (7172) 74-04-75