قازاقستاندىق بەلگىلى كاسىپكەر, تانىمال مەتسەنات, ساياحاتشى-جيھانكەز ساپار ىسقاقوۆ «استانا ەكسپو-2017» حالىقارالىق مامانداندىرىلعان كورمەسىنىڭ جالاۋىن جەلبىرەتىپ, كەمەمەن جەر شارىن اينالىپ شىقپاق. كەشە «قوبىز سارايى» كونتسەرت زالىندا وسى ماسەلەگە ارنالعان ءباسپاسوز ءماسليحاتى بولىپ ءوتتى.
قازاقستاندىق بەلگىلى كاسىپكەر, تانىمال مەتسەنات, ساياحاتشى-جيھانكەز ساپار ىسقاقوۆ «استانا ەكسپو-2017» حالىقارالىق مامانداندىرىلعان كورمەسىنىڭ جالاۋىن جەلبىرەتىپ, كەمەمەن جەر شارىن اينالىپ شىقپاق. كەشە «قوبىز سارايى» كونتسەرت زالىندا وسى ماسەلەگە ارنالعان ءباسپاسوز ءماسليحاتى بولىپ ءوتتى.
جينالعان جۋرناليستەر الدىندا ساياحاتشى-جيھانكەز ساپار ىسقاقوۆ, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ كافەدرا مەڭگەرۋشىسى عادىلبەك شاياحمەتوۆ, «استانا ەكسپو-2017» ۇك» اق-تىڭ كوممۋنيكاتسيا جانە ماركەتينگ دەپارتامەنتىنىڭ ديرەكتورى اسەل قوجاقوۆا جانە باسقالار 2014 جىلدىڭ 10 قاڭتارىندا انگليانىڭ ساۋتگەمپتون ايلاعىنان باستاۋ الاتىن وسى ساپار تۋرالى تىلگە تيەك ەتتى. بۇل شاراعا قاتىساتىن ساياحاتشىلار 20-دان استام ەلگە بارادى. جەر شارىن اينالىپ ءوتۋ ساپارى بارىسىندا ساپار ىسقاقوۆ حالىقارالىق ۇيىمداردىڭ وكىلدەرىمەن كەزدەسىپ, قازاق ەلىن شەتەلدىكتەرگە تانىستىرىپ, استانا قالاسىندا 2017 جىلى بۇكىلالەمدىك مامانداندىرىلعان كورمە وتەتىندىگى تۋرالى جارناما جاسايدى. ساپار ىسقاقوۆ باستاعان ەكسپەديتسيا قۇرامىندا 4 ادام, ونىڭ ىشىندە جۋرناليست پەن وپەراتور بار. ولار تەڭىز جولى ارقىلى «Queen Elizabeth-6» لاينەرىمەن جەر شارىن اينالىپ شىقپاق.
بەلگىلى كاسىپكەر ساپار ىسقاقوۆتىڭ نەگىزگى ماماندىعى – قۇرىلىسشى. ول نەگىزىن قالاعان جەكەمەنشىك «تىلەپ» قۇرىلىس كومپانياسى استانا قالاسىنداعى بىرقاتار قۇرىلىس نىساندارىن سالۋدا ايشىقتى قولتاڭباسىن قالدىرعان. سوڭعى جىلدارى ساپار ىسقاقوۆتىڭ مەتسەنات رەتىندە اتاعى شىققان. 2013 جىلى ول «تىلەپ» اتتى قايىرىمدىلىق قورىن قۇرىپ, مۇگەدەك جانە الەۋمەتتىك جاعىنان از قامتاماسىز ەتىلگەن ازاماتتارعا قامقورلىق جاساپ كەلەدى. وسىنداي يگى ىستەرىنىڭ ناتيجەسىندە ول 3 جىل قاتارىنان ەلىمىزدىڭ «جىل ادامى» اتاندى.
سونىمەن بىرگە, ساپار ىسقاقوۆ كوپشىلىككە كەڭىنەن بەلگىلى ساياحاتشى بولىپ سانالادى. الەمنىڭ 6 قۇرلىعىن باعىندىرعان جيھانكەز ساپار ىسقاقوۆ 2007 جىلى وڭتۇستىك پوليۋستەن شامامەن 100 شاقىرىم جەردە ورنالاسقان «امۋندسەن-سكوتت» امەريكالىق ستانساسىندا بولىپ, وندا قازاقستان مەن «نۇر وتان» پارتياسىنىڭ تۋلارىن ورناتقان بولاتىن. ول جەر شارىنىڭ 6 قۇرلىعىنىڭ 100-دەن استام ەلىن ارالاپ, انتاركتيدا مەن اركتيكاعا تابانى تيگەن العاشقى قازاقتىڭ ءبىرى.
جىلقىباي جاعىپار ۇلى,
«ەگەمەن قازاقستان».