بۇل كۇندەرى مەلبۋرن قالاسىندا ءوتىپ جاتقان اۋستراليانىڭ اشىق چەمپيوناتى قازاقستاندىق سپورتشىلار ءۇشىن مارەسىنە جەتتى. جەرلەستەرىمىز اراسىندا جارىستى جالعاستىرعان زارينا دياس, يۋليا پۋتينتسەۆا مەن جۇپتىق سىندا باق سىناعان الەكساندر بۋبليك پەن اندرەي گولۋبەۆ قارسىلاستارىنان جەڭىلىپ قالدى.
ز.دياس ءۇشىنشى كەزەڭدە يسپانيالىق گ.مۋگۋرۋسادان جەڭىلسە, يۋ.پۋتينتسەۆا الەمنىڭ بەسىنشى راكەتكاسى ۋكراينالىق ەلينا سۆيتولينادان ويسىراي ۇتىلدى – 6:4, 6:0. ءسويتىپ جەكەلەي سىنداعى قازاقستاننىڭ قالعان ەكى سپورتشىسى دا جارىستان شىعىپ قالدى.
قالعان ءۇمىت جۇپتىق سىندا ونەر كورسەتىپ جاتقان جىگىتتەرىمىزدە ەدى. وكىنىشكە قاراي, ولار دا جارىستىڭ ءتورتىنشى اينالىمىندا جەڭىلىپ, شيرەك فينالعا شىعا المادى. سالۆادورلىق مارسەلو ارەۆالو مەن نيدەرلاندىق ماتۆە ميددەلكوپپەن كەزدەسكەن جەرلەستەرىمىز تارتىستى وتكەن باسەكەدە 7:6, 7:6, 6:3 ەسەبىمەن جول بەردى.