ماسكەۋدە قازاقستان رەسپۋبليكاسى مەن رەسەي فەدەراتسياسى قورعانىس مينيسترلەرىنىڭ كەزدەسۋى ءوتتى. كەزدەسۋ بارىسىندا ادىلبەك جاقسىبەكوۆ پەن سەرگەي شويگۋ ەكىجاقتى اسكەري-تەحنيكالىق ىنتىماقتاستىق جانە ەكى ەل قورعانىس-ونەركاسىپ كەشەندەرى اراسىنداعى ءوزارا ءىس-قيمىلدىڭ وزەكتى ماسەلەلەرىن تالقىلادى.
ماسكەۋدە قازاقستان رەسپۋبليكاسى مەن رەسەي فەدەراتسياسى قورعانىس مينيسترلەرىنىڭ كەزدەسۋى ءوتتى. كەزدەسۋ بارىسىندا ادىلبەك جاقسىبەكوۆ پەن سەرگەي شويگۋ ەكىجاقتى اسكەري-تەحنيكالىق ىنتىماقتاستىق جانە ەكى ەل قورعانىس-ونەركاسىپ كەشەندەرى اراسىنداعى ءوزارا ءىس-قيمىلدىڭ وزەكتى ماسەلەلەرىن تالقىلادى.
ەكى ەل قورعانىس ۆەدومستۆولارىنىڭ باسشىلارى 2013 جىلعى بىرلەسكەن جۇمىستاردى قورىتىندىلاي كەلە, قازاقستان مەن رەسەي اراسىندا قورعانىس جانە قاۋىپسىزدىك سالاسىندا تولىق ءوزارا تۇسىنىستىككە قول جەتكىزىلگەنىن اتاپ ءوتتى. ەكى ەل اراسىنداعى قارۋ-جاراق سالاسىنداعى تاۋار اينالىمى العاش رەت ەڭ جوعارى دەڭگەيگە, ياعني 140 ملن. اقش دوللارىنا جەتىپ وتىر.
بيىلعى جىلعى قىزمەتتىڭ ءناتيجەسى رەتىندە قازاقستان رەسپۋبليكاسى مەن رەسەي فەدەراتسياسى اراسىندا اسكەري-تەحنيكالىق ىنتىماقتاستىق تۋرالى كەلىسىمگە قول قويىلعانىن, ەكى ەل اۋە شابۋىلىنا قارسى قورعانىس اسكەرلەرىنىڭ بىرىككەن ايماقتىق جۇيەسىن ودان ءارى دامىتۋ تۋرالى شەشىمنىڭ قابىلدانۋىن, سونداي-اق, قازاقستاننىڭ سىناق پوليگوندارىن رەسەي جاعىنا جالعا بەرۋ, رەسەي شىعارعان اسكەري تەحنيكالاردى ساتىپ الۋدى اتاپ وتۋگە بولادى.
قورعانىس مينيسترلەرىنىڭ ءمالىمدەۋىنشە, كەزدەسۋدە كەلىسىمدەردى ىسكە اسىرۋ قازاقستان مەن رەسەيدىڭ ۇلتتىق قارۋلى كۇشتەرىن نىعايتۋعا قىزمەت ەتەدى, دەپ حابارلادى قازاقستان قورعانىس مينيسترلىگىنىڭ باسپاسوز قىزمەتى.