بىلىمگە ۇمتىلعان ايەلدەر كوبەيدى

سOVID-19 پاندەمياسى كەزىندە ايەل زەرت­تەۋشىلەرىنىڭ ءرولى وراسان زور. ونىڭ بىر­دەن ءبىر دالەلى CوVID-19 ىندەتىنىڭ  ءار­تۇرلى كەزەڭدەرىندەگى, ۆيرۋس تۋرالى ءبىلىمدى تەرەڭدەتۋدەن باستاپ, ۆيرۋسقا قارسى ۆاكتسينانى تەستىلەۋ ادىستەرى مەن ۆيرۋسقا قارسى ۆاك­­تسينانى ازىرلەۋگە دەيىن ءبىرشاما جۇمىس ات­قارىلىپ كەلەدى.

عىلىم مەن گەندەرلىك تەڭدىك دامۋ ماق­ساتتارىنا قول جەتكىزۋدىڭ, ونىڭ ىشىندە ور­نىقتى دامۋدىڭ 2030 جىلعا دەيىنگى كۇن تار­تىبىندە كورىنىس تاپقانى بەلگىلى. سوڭعى جىل­دارى الەمدىك قاۋىمداستىق ايەلدەر مەن قىزداردى عىلىمعا تارتۋ سالاسىندا ايتار­لىقتاي جەتىستىكتەرگە جەتتى. سوعان قارا­ماستان, ولار وسى سالادا ءالى دە شەكتەۋ­لەرگە تاپ بولىپ وتىر. كوبىنەسە بۇل بەلگىلى ءبىر كاسىپ­تەردە مانساپ قۇرۋعا كەدەرگى كەلتىرەتىن گەن­دەرلىك كەرتارتپا قاعيدالارعا بايلانىس­تى.

«ايەلدەر بۇكىل الەمدەگى دەنساۋلىق ساق­تاۋ جانە الەۋمەتتىك سالاداعى جۇمىس كۇشى­نىڭ شامامەن 70%-ىن قۇرايدى جانە پاندەميامەن كۇرەسۋدە الدىڭعى قا­تار­دا. وسىلايشا قىزداردىڭ ءارتۇرلى ما­ماندىقتاردا, سونىڭ ىشىندە عىلىمدا جۇ­مىس ىستەي الۋى ءۇشىن ولاردىڭ ءبىلىم الۋىنا نەعۇرلىم كوپ قاراجات جۇمسالسا, ءبىز قوعام, قاۋىمداستىق جانە وتباسى رەتىندە سوعۇرلىم كوپ پايدا كورەمىز», دەدى يۋنفپا-نىڭ قا­زاقستانداعى وكىلى جانە قىرعىزستان مەن تۇرىك­مەنستانداعى ەلدىك ديرەكتورى دجۋليا ۆاللەزە.

گەندەرلىك تەڭدىك – بۇل ادامنىڭ نەگىزگى قۇقىعى عانا ەمەس, سونداي-اق بەيبىت, گۇل­دەنگەن جانە ورنىقتى الەم ءۇشىن ماڭىزدى نەگىز. قىزداردىڭ دەنى ساۋ بولىپ, ومىردە بار­لىق مۇمكىندىكتەرگە يە بولۋى ءۇشىن ءانشى, بەل­سەندى ءارى يۋنفپا سپيكەرى اقمارجان كوشەر­باەۆا (KALIYA) جانە The Steppe سايتىمەن بىرگە «قىز تاعدىرى» اتتى جوبانى ىسكە قوستىق. جوبا قىزدارعا, ايەلدەرگە جانە شە­شىم قابىلداۋشىلارعا ءبىلىم الۋعا جانە بار­لىعىنا تەڭ قوعام قۇرۋعا كومەكتەسەتىن كوپ­تەگەن اقپاراتتان تۇرادى.

«عاسىرلار بويى عالىمدار الەم تۋرالى كوبىرەك بىلۋگە, ءوز قيالدارىنىڭ شەكارالارىن اشۋعا جانە باسقالاردىڭ ءومىرىن جاقسى جاققا وزگەرتۋگە ۇمتىلدى. كەز كەلگەن قىزدىڭ ءدال وسىلاي ىستەۋگە مۇمكىندىگى بار جانە ءار قىزعا مۇمكىندىك بەرىلۋى كەرەك», دەدى ا.كوشەرباەۆا.